ଢ଼େଙ୍କାନାଳ : ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଥିବା ସମ୍ବିଧାନ ପ୍ରଣେତା ଭାରତରତ୍ନ ଡଃବି.ଆର୍. ଆମ୍ବେଦକରଙ୍କ ୬୮ତମ ମହାପ୍ରୟାଣ ଦିବସ ମହାସମାରୋହ ସହିତ ପାଳିତ ହୋଇଯାଇଅଛି । ଉକ୍ତ କାର୍ଯ୍ୟକ୍ରମରେଢେଙ୍କାନାଳ ଜିଲ୍ଲାପାଳ ମନୋରଞ୍ଜନ ମଲ୍ଲିକ ମୁଖ୍ୟ ଅତିଥି ଭାବେ ଯୋଗଦାନ କରି ବାବା ସାହେବ ଆମ୍ବେଦକରଙ୍କ ଜୀବନୀ ଏବଂ ସଂଘର୍ଷମୟ ଜୀବନ ଉପରେ ଆଲୋକପାତ କରିଥିଲେ । ଅନୁଷ୍ଠାନର ସଭାପତି କୈଳାସ ଚନ୍ଦ୍ର ବେହେରାଙ୍କଉପସ୍ଥିତିରେ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ଆମ୍ବେଦକର ମେମୋରିଆଲ୍ ସୋସାଇଟିର ଉପ-ସଭାପତି ବନମାଳି ମଲ୍ଲିକ, ପ୍ରତିରୋଧ ସମ୍ବାଦପତ୍ରର ସଂପାଦକ ବାଇଧର ନାଏକ, ଆଇନ୍ଜୀବୀ ତତା ହିନ୍ଦୋଳ ୩ନଂଜୋନ୍ର ଜିଲ୍ଲା ପରିଷଦ ସଭ୍ୟା ମମତାଞ୍ଜଳି ବେହେରା, ଇଂ. ଆଶୁତୋଷ ନାଏକ, ଆଂଚଳିକ ବିକାଶ ପରିଷଦର ସଭାପତିକିଶୋର ଚନ୍ଦ୍ର ବେହେରା, ଜନଜାଗରଣ ମଂଚ ସଭାପତି ସୁରେନ୍ଦ୍ର ଦଳେଇ, ଆଇନ୍ଜୀବୀ ନିରଞ୍ଜନ ସାହୁ, ଆଇନ୍ଜୀବୀଟଙ୍କଧର ବେହେରା, ଅମର ଜ୍ୟୋତି ଆନନ୍ଦ, ସୁଭପ୍ତି ରଂଜନ ବିଶ୍ୱାସ, ସପ୍ତଦ ମହାପାତ୍ର, ସାମ୍ବାଦିକ ବିଷ୍ଣୁ ସାମଲ ପ୍ରମୁଖଯୋଗଦାନ କରି ବାବା ସାହେବ ଆମ୍ବେଦକରଙ୍କ ସଂଗ୍ରାମ ଉପରେ ସ୍ମୃତିଚାରଣ କରିଥିଲେ । ଏଥିରେ ଅନୁଷ୍ଠାନ କର୍ମକର୍ତାଏବଂ ବିଭିନ୍ନ ସଂଗଠନର କର୍ମକର୍ତାମାନେ ଉପସ୍ଥିତ ଥିଲେ । ପରିଶେଷରେ ଆମ୍ବେଦକର ଭବନକୁ ଯାଇ ସେଠାରେ ଥିବାଡଃ ଆମ୍ବେଦକରଙ୍କ ପ୍ରତିମୂର୍ତୀରେ ପୁଷ୍ପମାଲ୍ୟ ଅର୍ପଣ କରିଥିଲେ ।
