ଟାଟା ଷ୍ଟିଲ୍ ମେରାମଣ୍ଡଳୀ ପକ୍ଷରୁ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ : ୨୦୪ ୟୁନିଟ୍ ରକ୍ତ ସଂଗ୍ରହ !
ଢ଼େଙ୍କାନାଳ : ଟାଟା ଷ୍ଟିଲ୍ ମେରାମଣ୍ଡଳୀ (ଟିଏସ୍ଏମ୍) ପକ୍ଷରୁ ଢେଙ୍କାନାଳ ଜିଲ୍ଲାର ନରେନ୍ଦ୍ରପୁର ସ୍ଥିତ କାରଖାନା ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା । କର୍ମଚାରୀ, ସେମାନଙ୍କ ପରିବାର ସଦସ୍ୟ ଓ ପ୍ଲାଂଟ୍ରେ କାର୍ଯ୍ୟରତ ବିଭିନ୍ନ ଚୁକ୍ତିଭିତିକ ସଂସ୍ଥାର କର୍ମଚାରୀମାନେ ସ୍ୱେଚ୍ଛାକୃତ ଭାବେ ଆଗେଇ ଆସିବା ସହ ରକ୍ତଦାନ କରିଥିଲେ । ଏହି ଶିବିରରେ ମୋଟ ୨୦୪ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ।ଟିଏସ୍ଏମ୍ର ସେୟାରଡ୍ ସର୍ଭିସେସ୍ର ବିଭାଗୀୟ ମୁଖ୍ୟ ବେଦ ପ୍ରକାଶ ଠାକୁର ମୁଖ୍ୟ ଅତିଥି ଭାବେ ଯୋଗ ଦେଇ ଏହି ରକ୍ତଦାନ ଶିବିରକୁ ଉଦ୍ଘାଟନ କରିଥିବା ବେଳେ ଟିଏସ୍ଏମ୍ର ସିଂଟର ପ୍ଲାଂଟ୍ର ବିଭାଗୀୟ ମୁଖ୍ୟ ରମେଶ କାନନ, ଟିଏସ୍ଏମ୍ର ମେଡିକାଲ୍ ସର୍ଭିସେସ୍ର ବରିଷ୍ଠ ରେଜିଷ୍ଟ୍ରାର ଡକ୍ଟର ଅବିନାଶ ଦାଶ ଉପସ୍ଥିତ ଥିଲେ । ଢେଙ୍କାନାଳ ବ୍ଳଡ୍ ବ୍ୟାଙ୍କର ଇନ୍-ଚାର୍ଜ ଡକ୍ଟର ସ୍ୱରୂପ ସାହୁ ରକ୍ତ ସଂଗ୍ରହ ପ୍ରକ୍ରିୟାକୁ ସମ୍ପୂର୍ଣ୍ଣ ପରିଚାଳନା କରିଥିବା ବେଳେ ଢେଙ୍କାନାଳ ବ୍ଳଡ୍ ବ୍ୟାଙ୍କର ସହାୟକ ଷ୍ଟାଫ୍ମାନେ ପ୍ରତ୍ୟକ୍ଷ ଭାବେ ଯୋଡ଼ି ହୋଇଥିଲେ । ଟିଏସ୍ଏମ୍ର ମେଡିକାଲ୍ ସର୍ଭିସେସ୍ ଟିମର କର୍ମଚାରୀମାନେ ଏହି ପରିଚାଳନାରେ ମଧ୍ୟ ସହଯୋଗକରିଥିଲେ ।ସ୍ୱେଚ୍ଛାକୃତ ଭାବେ ରକ୍ତଦାନ କରିବା ଲାଗି ଟିଏସ୍ଏମ୍ରେ କର୍ମଚାରୀମାନେ ଉତ୍ସାହର ସହିତ ଆଗେଇ ଆସିଥିଲେ ଓ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ । ଟିଏସ୍ଏମ୍ ପକ୍ଷରୁ ନିୟମିତ ବ୍ୟବଧାନରେ ଏଭଳି ରକ୍ତଦାନ ଶିବିର ଆୟୋଜନ କରାଯାଇ ସମାଜକୁ ତଥା ସ୍ୱେଚ୍ଛାକୃତ ରକ୍ତଦାନ କରିବା ଲାଗି ସମସ୍ତଙ୍କୁ ଆଗେଇ ଆସିବା ପାଇଁ ବାର୍ତା ଦେବାକୁ ପ୍ରୟାସ କରାଯାଉଛି ।