ଢ଼େଙ୍କାନାଳ: ହିନ୍ଦୋଳ ରେ ହାତୀ ଆକ୍ରମଣରେ ଦିନକୁ ଦିନ ନିରୀହ ଲୋକଙ୍କ ଙ୍କ ର ମୃତ୍ୟୁ ସଂଖ୍ୟା ବୃଦ୍ଧି ପାଉଥିବା ବେଳେ ସୋମବାର ମଧ୍ୟ ଆଉ ଜଣ ଙ୍କ ର ହାତୀ ଆକ୍ରମଣରେ ପ୍ରାଣହାନି ଘଟିଛି। ସୂଚନା ଅନୁଯାୟୀ ହିନ୍ଦୋଳ ଏନ୍ଏସି ୯ ନଂ ଓ୍ୱାର୍ଡ୍ ପୁରୁଷୋତ୍ତମପୁର ର ନାରଣ ନାଏକ ନାମକ ଏକ ବ୍ୟକ୍ତି ସଂଧ୍ୟା ୫ ଘଟିକା ସମୟରେ ଶୌଚ ହେବାକୁ ଯାଇଥିବା ବେଳେ ହାତୀ ଆକ୍ରମଣରେ ତାଙ୍କର ମୃତ୍ୟୁ ଘଟିଛି। ଯାହାକୁ ନେଇ ସ୍ଥାନୀୟ ଅଂଚଳରେ କୋକୁଆ ଭୟ ସୃଷ୍ଟି ହୋଇଛି। ଏ ସଂପର୍କରେ ବାରମ୍ବାର ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଉଥିଲେ ମଧ୍ୟ ବନବିଭାଗ କୁମ୍ଭକର୍ଣ୍ଣ ନିଦ୍ରାରେ। ସବୁଠାରୁ ଦୁର୍ଭାଗ୍ୟଜନକ କଥା କି ଏ ସଂପର୍କରେ ସ୍ଥାନୀୟ ଜନପ୍ରତିନିଧି ମାନେ ମଧ୍ୟ ମୁହଁ ଖୋଲୁ ନାହାଁନ୍ତି। ଯାହାକୁ ନେଇ ସାଧାରଣରେ ଅସନ୍ତୋଷ ଦେଖାଦେଇଛି।
