ଢ଼େଙ୍କାନାଳ: ଓଡ଼ାପଡ଼ା ବ୍ଲକ୍ ଅନ୍ତର୍ଗତ ଗୁଣ୍ଡିଚାପଡ଼ା ଠାରେ ଅହମଦିୟା ମୁସଲିମ ଯୁବ ସଂଗଠନ “ମଜଲିସ ଖୁଦ୍ଦାମୁଲ ଅହମଦିୟା” ଆନୁକୁଲ୍ୟରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସାମୁହିକ ନିରବ ପ୍ରାର୍ଥନା ପରେ ଯୁବକମାନେ ଶ୍ରମଦାନ ଦ୍ୱାରା ଗୁଣ୍ଡିଚାପଡ଼ା ମୁସଲିମ କବ୍ରସ୍ଥାନରେ ବଡ଼ ବଡ଼ କଣ୍ଟା ବୁଦା ସଫା କରିଥିଲେ। ଏହି ସ୍ୱଚ୍ଛତା କାର୍ଯ୍ୟକ୍ରମରେ ଅହମଦିୟା ଯୁବ ସଂଗଠନ ଗୁଣ୍ଡିଚାପଡ଼ାର ଅଧ୍ୟକ୍ଷ ମହମୁଦ ଖାଁ ସହ ଲିଆକତ ଅଲୀ, ଶେଖ ଜହୀର, ଆଫତାବ ଅହମଦ, ହିଦାୟତୁଲ୍ଲା, ରିଜୱାନ ଅହମଦ, ହମାଦ ଅହମଦ, ମିକୁଲ ଶେଖ ଆଦି ଯୁବକ ମାନେ ସାମିଲ ହୋଇ ସ୍ୱଚ୍ଛତା କାର୍ଯ୍ୟକ୍ରମ କୁ ସାଫଲ୍ୟ କରିଥିଲେ।
