ଢ଼େଙ୍କାନାଳ : ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଙ୍କ ୧୪୬ ତମ ଜୟନ୍ତୀ ଅବସରରେ ସ୍ଥାନୀୟ ବୁଦ୍ଧେଶ୍ୱର୍ ମନ୍ଦିର ପରିସରରେ ଗୋପବନ୍ଧୁ ଦାସ ସେବା ସଂଗଠନ ନାମରେ ଏକ ସ୍ବେଛାସେବୀ ସଂଗଠନ ଆତ୍ମ ପ୍ରକାଶ କରିଛି । ଅନୁଷ୍ଠାନ ର ମୁଖ୍ୟ ଅମ୍ବୁଜ କୁମାର ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ସାରସ୍ଵତ ସାଧକ ,କବି ବାଣୀଶ୍ରୀ ରବୀନ୍ଦ୍ରକୁମାର ହୋତା, ମୂଖ୍ୟ ବକ୍ତା ଭାବେ ମହିଳା ମହାବିଦ୍ୟାଳୟର ଅଧ୍ୟକ୍ଷ ଦିଲ୍ଲୀପ କୁମାର ଦାସ, ସମ୍ମାନୀତ ଅତିଥି ଭାବେ ସମାଜସେବୀ ସୁବ୍ରତ କୁମାର ସାହୁ ,ଦେବବ୍ରତ ପୃଷ୍ଟି,ବିପିନ ବିହାରୀ ସେଠୀ ପ୍ରମୁଖ ଯୋଗ ଦେଇ ଏଭଳି ସେବା ଅନୁଷ୍ଠାନ କୁ ଉଚ୍ଚ ପ୍ରଶଂସା କରିଥିଲେ ।ସଭା ସ୍ଥଳରେ ୨୫ ଜଣ ଭିକ୍ଷୁକ ଙ୍କୁ ଅଙ୍ଗ ବସ୍ତ୍ର ପ୍ରଦାନ କରି ପ୍ରସାଦ ପ୍ରଦାନ ପୂର୍ବକ ଆପ୍ୟାୟିତ କରିଥିଲେ।ମନ୍ଦିର ଉଦ୍ୟାନରେ ଅତିଥି ଙ୍କ ଦ୍ଵାରାଏକ ନାଗେଶ୍ବର ଚାରା ରୋପଣ କରାଯାଇଥିଲା ।ଦୀର୍ଘ ଦିନ ହେଲା ଆମ୍ବୁଜ ସାହୁ ସେବା ସଂଗଠନ ନାମରେ ଅସହାୟ , ନିସହlୟ, ଗରିବ ଲୋକଙ୍କୁ ସାହାଯ୍ୟ କରିଆସୁଥିଲେ । ଏହି ସଂଗଠନ ର ପ୍ରମୁଖ କାର୍ଯ୍ୟକର୍ତ୍ତା ଭାବେ ଲକ୍ଷ୍ମଣ କୁମାର ଦାସ,ବିନୋଦ ମହାରଣା ,ପୁରସ୍ତମ ବେହେରା ସକ୍ରିୟ ଅଂଶ ଗ୍ରହଣ ଓ ସହଯୋଗ କରିଥିଲେ। ପ୍ରାୟ ୫୦ ଜଣ ଉତ୍ସାହୀ ଯୁବକ ଙ୍କୁ ଏହି ସଂଗଠନ ରେ ସାମିଲ କରାଯାଇଥିଲା ।
