ଢେଙ୍କାନାଳ : ଢେଙ୍କାନାଳର ବିଶିଷ୍ଟ ଯୁବନେତା ସିଦ୍ଧେଶ୍ୱରୀ ପ୍ରସାଦ ମିଶ୍ର (ବାବି) ଙ୍କ ପ୍ରଥମ ଶ୍ରାର୍ଦ୍ଧବାର୍ଷିକୀ ସ୍ଥାନୀୟ ପୁରୁଣା ଜିଲ୍ଲା ପରିଷଦ ହଲରେ୍ ଅନୁଷ୍ଠିତ ହୋଇଯାଇଛି ।
ସିଦ୍ଧେଶ୍ୱରୀ କମିଟି ତରଫରୁ ଢେଙ୍କାନାଳ ଜିଲ୍ଲା ପରିଷଦ ଭବନଠାରେ ଏକ ଶ୍ରଦ୍ଧାଞ୍ଜଳି ସ୍ମୃତିସଭାର ଆୟୋଜନ କରାଯାଇଥିଲା । ଏହି ସଭାରେ ଢେଙ୍କାନାଳର ବିଭିନ୍ନ ଅଗ୍ରଣୀ ଅନୁଷ୍ଠାନର ସଦସ୍ୟ, ସଦସ୍ୟା, ବିଭିନ୍ନ ଦଳର କର୍ମକର୍ତ୍ତା ସ୍ୱର୍ଗତ ସିଦ୍ଧେଶ୍ୱରୀଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଉକ୍ତ ସଭାରେ ଢେଙ୍କାନାଳ ବିଧାୟକ ସୁଧିର କୁମାର ସାମଲ, ବାଙ୍କି ବିଧାୟକ ଦେବିରଞ୍ଜନ ତ୍ରିପାଠୀ, ହିନ୍ଦୋଳ ବିଧାୟିକା ସୀମାରାଣୀ ନାୟକ, ପୂର୍ବତନ ମନ୍ତ୍ରୀ ନବୀନ ଚନ୍ଦ୍ର ନାରାୟଣ ଦାସ, ବିହନ ନିଗମ ଅଧ୍ୟକ୍ଷ ବିଜୟ କୁମାର ନାୟକ, ପୂର୍ବତନ ବିଧାୟକ ସରୋଜ କୁମାର ସାମଲ, ବରିଷ୍ଠ ସାମ୍ବାଦିକ ରତନ ନାୟାର, ପୂର୍ବତନ ନଗରପାଳ ସୁନିଲ୍ ଶର୍ମା ,ଭୁବନ ଏନଏସି ଅଧ୍ୟକ୍ଷ ଶୁଭେନ୍ଦୁ ସାହୁ, ବରିଷ୍ଠ ନାଗରିକ ତୀର୍ଥ ଯାତ୍ରା ଯୋଜନାର ଉପଦେଷ୍ଟା ଦୁର୍ଗାପ୍ରସାଦ ସାମନ୍ତରାୟ, କଟକ ଜିଲ୍ଲ ବିଜେଡି ସାଧାରଣ ସମ୍ପାଦକ ପ୍ରଶାନ୍ତ ନାୟକ ପ୍ରମୁଖ ଉପସ୍ଥିତ ରହି ଦିବଂଗତ ଆତ୍ମାର ସଦଗତିକାମନା କରିଥିଲେ ।
ମନୋରଞ୍ଜନ ପତି ସଭାପତିତ୍ୱ କରିଥିବାବେଳେ ଲକ୍ଷ୍ମୀକାନ୍ତ ସାହୁ ମଞ୍ଚ ପରିଚାଳନା କରିଥିଲେ । ସାଗରିକା ମିଶ୍ର ସ୍ୱାଗତଭାଷଣ ଦେଇଥିବାବେଳେ ଦୁର୍ଗା ଚରଣ ରାଉତ ଧନ୍ୟବାଦ ଅର୍ପଣ କରିଥିଲେ । ବାଙ୍କି ବିଧାୟକ ତଥା ବିଜୁ ଛାତ୍ର ଜନତା ଦଳର ରାଜ୍ୟ ସଭାପତିଙ୍କୁ ଜଣେ ଛାତ୍ର ନେତା ଏବଂ ରତନ ନାୟାରଙ୍କୁ ଜଣେ ସାମ୍ବାଦିକ ରୂପେ “ସିଦ୍ଧେଶ୍ୱରୀ ସମ୍ମାନ ”ରେ ସମ୍ମାନିତ କରାଯାଇଥିଲା ।
ସ୍ମୃତି କମିଟି ତରଫରୁ ରାଜେନ୍ଦ୍ର ପାଣି, ମନୋଜ କୁମାର ଦାସ, ଦିପ୍ତୀରଞ୍ଜନ ସେଠୀ, ଶ୍ରୀମନ୍ତ ପରିଡା, ବିଜୟ କେତନ ସାହୁ, ଲଲାଟ ରଞ୍ଜନ ସାହୁ, ବିଦ୍ୟାଧର ସାହୁ, ଅଥୟ କୁମାର ସାହୁ, ରଞ୍ଜିତ ସେନାପତି ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ତାଙ୍କର ସାନଭାଇ ଦେବୀ ପ୍ରସାଦ ମିଶ୍ରଙ୍କ ଆବାହକତ୍ୱରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା ।