ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ମଠକରଗୋଳା ବାଇପାସ ନିକଟରେ ବାଦାମ ବୋଝେଇ ପିକଅପ ଦୁର୍ଘଟଣା ଗ୍ରସ୍ତ ହୋଇ ଡ୍ରାଇଭର ଗୁରୁତର ଆହାତ ହୋଇଥିବା ଜଣାପଡିଛି ।
ଅପରାନ୍ହ ୫ଘଟିକା ସମୟରେ ଏକ ବାଦମ ବୋଝେଇ ପିକପ ଭୁବନ ଆଡୁ କାମାକ୍ଷା ଅଭିମୁଖେ ଯାଉଥିବା ପିକଅପ୍ ଭ୍ୟାନ ମଠକରଗୋଳା ବାଇପାସ ନିକଟରେ ଭାରସାମ୍ୟ ହରାଇ ରାସ୍ତା କଡରେ ଥିବା ଡିଭାଇଡର ରେ ପିଟି ହୋଇଯାଇଥିଲା । ଫଳରେ ଗାଡିଟି ଗୋଟିଏ ପଟକୁ ଓଲଟିପଡ଼ିଥିଲା ।
ଗାଡି ରେ ଥିବା ଡ୍ରାଇଭର କୁ ଲୋକମାନେ ଉଧାର କରି ନିକଟସ୍ଥ ମଠକରଗୋଳା ଗୋଷ୍ଠି ସ୍ୱାସ୍ତ୍ୟ କେନ୍ଦ୍ର ରେ ଭର୍ତ୍ତୀ କରିଥିଲେ ।ତାଙ୍କର ବାମ ହାତଟି ଭାଙ୍ଗି ଯାଇଥିବା ସହ ଛାତିରେ ଜୋର ଆଘାତ ଲାଗିଥିବାରୁ ଅଧିକ ଚିକତ୍ସା ନିମନ୍ତେ ତାଙ୍କୁ କାମାକ୍ଷା ନଗର ଉପଖଣ୍ଡ ଚିକତ୍ସାଲୟକୁ ପଠାଯାଇଥିବା ଜଣାପଡିଛି ।