ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ମାର୍ଥାପୁର ଖେଳ ପଡିଆରେ ଚାଲିଥିବା ୩୮ ତମ ଯୋଗମାୟା ଚ୍ୟାଲେଞ୍ଜରର୍ସ ଟ୍ରଫି ର ଦିତୀୟ ସେମିଫାଇନାଲ୍ ରେ ସୁନ୍ଦର ଗାଁ (କଟକ) କୁ ହରାଇ କୁମାରବସ୍ତା (ଖୋର୍ଦ୍ଧା ) ଫାଇନାଲରେ ପ୍ରବେଶ କରିଛି ।
ଟସ୍ ଜିତି ସୁନ୍ଦର ଗାଁ ୨୦ ଓଭର୍ ରେ ୯ ଟି ୱିକେଟ୍ ହରାଇ ୨୪୯ ରନ୍ ସଂଗ୍ରହ କରିଥିଲା । ଏହାର ଜବାବରେ କୁମାରବସ୍ତା ୧୬ଓଭର୍ ରେ ୪ଟି ୱିକେଟ୍ ହରାଇ ୨୫୦ ରନ୍ ସଂଗ୍ରହ କରି ବିଜୟୀ ହୋଇଛି । ବିଜୟୀ ଦଳର ବିକାଶ ରାଉତ ମ୍ୟାନ୍ ଅଫ ଦି ମ୍ୟାଚ୍ ବିବେଚିତ ହୋଇଛନ୍ତି ।
ପ୍ରିୟବ୍ରତ ମିଶ୍ର ଓ ବିଚିତ୍ରା ନନ୍ଦ ସାହୁ ଖେଳ ପରିଚାଳନା କରିଥିବା ବେଳେ ସୋମ୍ୟ ରଞ୍ଜନ ରାଉତ ଧାରା ବିବରଣୀ ପ୍ରଦାନ କରିଛନ୍ତି । ରବିବାର ଦିନ ବିଡାନାସି ସହିତ କୁମାର ବସ୍ତା ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବା ପାଈଁ ଆୟୋଜକ ସୂଚନା ଦେଇଛନ୍ତି ।