ଢେଙ୍କାନାଳ : ଭଗବାନ ବିଦ୍ୟାମନ୍ଦିର, ସିଆରିଆ କ୍ରୀଡା ପ୍ରାଙ୍ଗଣରେ ସଦର ବ୍ଲକ୍ ବିଦ୍ୟାଳୟ ସ୍ତରୀୟ ଫୁଟ୍ବଲ୍ ଓ କବାଡି ବାଳକ ଓ ବାଳିକା (୧୪ ଓ ୧୭ବର୍ଷରୁ କମ୍) ପ୍ରତିଯୋଗିତା ଗୋଷ୍ଠୀ ଶିକ୍ଷା ଅଧିକାରୀ ବ୍ରହ୍ମାନନ୍ଦ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଦେବବ୍ରତ ନାଥ ପ୍ରତିଯୋଗିତାକୁ ଉଦ୍ଗାଟନ କରିଥିଲେ ।
ଉଦ୍ଯାପନ ଉତ୍ସବରେ ଗୋଷ୍ଠୀ ଶିକ୍ଷା ଅଧିକାରୀ ବ୍ରହ୍ମାନନ୍ଦ ରାଉତ ମୁଖ୍ୟ ଅତିଥି ଭାବେ ଯୋଗଦେଇ କ୍ରୀଡାବିତ୍ମାନଙ୍କୁ ଖେଳକୁଦରେ ଭାଗନେଇ ଶାରୀରିକ ତଥା ବୌଧିକ ବିକାଶର ବୃଦ୍ଧି ନିମନ୍ତେ ମାର୍ଗଦର୍ଶନ କରିଥିଲେ । ବିଦ୍ୟାଳୟର ପ୍ରଧାନଶିକ୍ଷକ ଭିକାରୀ ଚରଣ ନାୟକ କ୍ରୀଡାବିତ୍ମାନଙ୍କୁ ଶୃଙ୍ଖଳିତ ହେବା ପାଇଁ ପରାମର୍ଶ ଦେଇଥିଲେ । ସଦର ବ୍ଲକ୍ର କ୍ରୀଡା ବିଭାଗର ସମ୍ପାଦକ ସୁଶିଲ୍ କୁମାର ପଣ୍ଡା ବାର୍ଷିକ ବିବରଣୀ ପାଠ କରିଥିଲେ । ବରିଷ୍ଠ ଶାରୀରିକ ଶିକ୍ଷା ଶିକ୍ଷକ ସହ-ସଂପାଦକ ନରେଶ କୁମାର ମହାରଣା ଅତିଥିମାନଙ୍କ ପରିଚୟପ୍ରଦାନ କରିଥିବାବେଳେ ଶାରୀରିକ ଶିକ୍ଷା ଶିକ୍ଷକ ସୁବ୍ରତ କୁମାର ମିଶ୍ର ଅତିଥିମାନଙ୍କୁ ଧନ୍ୟବାଦ ପ୍ରଦାନ କରିଥିଲେ ।
ଉକ୍ତ ପ୍ରତିଯୋଗିତାରେ ସଦର ବ୍ଲକ୍ର ୪ଟି ଜୋନ୍ରୁ ପ୍ରାୟ ୧୮୦ରୁ ଉର୍ଦ୍ଧ୍ୱ ପ୍ରତିଯୋଗୀ ଭାଗ ନେଇଥିଲେ । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ସହକାରୀ ଶିକ୍ଷକ ଲକ୍ଷ୍ମୀଧର ସ୍ୱାଇଁ, ବିଦୁର କୁମାର ସାମଲ, ସିଆର୍ସିସି ପ୍ରଭାତ କୁମାର ସାହୁ, ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ତଥା ସଦର ବ୍ଲକ୍ର ସମସ୍ତ ଶାରୀରିକ ଶିକ୍ଷା ଶିକ୍ଷକ ସହଯୋଗ କରିଥିଲେ ।