୨ୟ ମହାକାଳେଶ୍ୱର ମହୋତ୍ସବ ୨୦୨୨ ଉଦଯାପିତ : ଢେଙ୍କାନାଳ ଗଟ ଟ୍ୟାଲେଣ୍ଟ ଗ୍ଲୋରୀ କୁଇନ୍ ହେଲେ ଐସୁରିୟା !

ଢେଙ୍କାନାଳ : ଶିବାୟ ଡ୍ୟାନ୍ସ ମ୍ୟୁଜିକ୍ ଏକାଡେମୀର ୫ମ ବାର୍ଷିକ ଉତ୍ସବ ତଥା ୨ୟ ମହାକାଳେଶ୍ୱର ମହୋତ୍ସବ ଢେଙ୍କାନାଳ ସହର ସ୍ଥିତ ଗୋପବନ୍ଧୁ ଟାଉନହଲ ଠାରେ ଦୁଇଦିନ ଧରି ଆୟୋଜତ ହୋଇଯାଇଛି ।

ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଢେଙ୍କାନାଳ ପୌରପାଳିକାର ଉପାଧକ୍ଷ ପ୍ରକାଶ ଚନ୍ଦ୍ର କୁଅଁର ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ଢେଙ୍କାନାଳ ବିଜୁ ମହିଳା ଜନତା ଦଳ ସାଧାରଣ ସମ୍ପାଦକ ତଥା ସାଙ୍କୁଲେଇ ଗ୍ରା:ପର ସମିତି ସଭ୍ୟ ଅପର୍ଣ୍ଣା ରଥ, ଆସେଟ୍ କମ୍ପ୍ୟୁଟରର ଆନୁଷ୍ଠାନର ଅଧ୍ୟକ୍ଷ ପ୍ରଭାତ କୁମାର ଦେହୁରୀ ପ୍ରମୁଖ ଯୋଗଦେଇଥିଲେ ।

ସେହିପରି ଉଦଯାପନୀ ସନ୍ଧ୍ୟାରେ ମୁଖ୍ୟ ଅତିଥି ଭାବରେ ଢେଙ୍କାନାଳ ପୌରପାଳିକାର ଅଧକ୍ଷା ଜୟନ୍ତୀ ପତ୍ର ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ରାଜ୍ୟ ଲୋକକଳା ସଂଘର ଉପସଭାପତି ଅବନୀ ମିଶ୍ର ଯୋଗଦେଇଥିଲେ । ସମ୍ମାନିତ ଅତିଥି ଭାବେ ଜିଲ୍ଲା ଶାରୀରିକ ସ୍ୱାସ୍ଥ୍ୟ ଓ ଶିକ୍ଷା ନିରୀକ୍ଷକ ରଞ୍ଜିତ ସାହୁ, ଅନୁଷ୍ଠାନର ସଭାପତି ପ୍ରବୋଧ କୁମାର ମହାରଣା, ଉପସଭାପତି ଶ୍ରୀକାନ୍ତ କୁମାର ସ୍ୱାଇଁ, ସମ୍ପାଦକ ପ୍ରଦ୍ୟୁସ୍ କୁମାର ମିଶ୍ର ପ୍ରମୁଖ ଉପସ୍ଥିତ ଥିଲେ ।

ଆୟୋଜିତ ହୋଇଥିବା ଚିତ୍ରାଙ୍କନ, ଓଡିଶୀ ନୃତ୍ୟ, କୌତୁକ ପୋଷାକ, ଦଳଗତ ନୃତ୍ୟର ସର୍ବ କନିଷ୍ଠ, କନିଷ୍ଠ ଓ ବରିଷ୍ଠ ବିଭାଗର ପ୍ରତିଯୋଗିତା ହୋଇଥିଲା । ଏହି ପ୍ରତିଯୋଗିତାରେ ବିଜେତା ଓ ଉପବିଜେତାଙ୍କୁ ପୁରସ୍କୃତ କରାଯାଇଥିଲା । ସାଂସ୍କୃତିକ ସନ୍ଧ୍ୟାର ମୁଖ୍ୟ ଆକର୍ଷଣ ଥିଲା ସ୍ୱର୍ଗତଃ ସନ୍ତୋଷ କୁମାର ପାତ୍ର ସ୍ମୃତି ସମ୍ମାନ ଢେଙ୍କାନାଳ ଗ୍ଲୋରୀ କୁଇନ ୨୦୨୨ ।

ଏହି ପ୍ରତିଯୋଗିତାରେ ଅନେକ ପ୍ରତିଯୋଗୀ ଥିବା ବେଳେ ଗ୍ଲୋରୀ କୁଇନର ମକୁଟ ପିନ୍ଧିଥିଲେ ଐସୁରିୟା ବାରିକ । ସେହିପରି ଭାବେ ବର୍ଷା ପ୍ରିୟଦର୍ଶିନୀ ସାହୁ ଉପବିଜେତା ହୋଇଥିଲେ । ଏହି କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ଓ ଅଭିବାବକ ସହଯୋଗ କରିଥିଲେ । ଏହି କାର୍ଯ୍ୟକ୍ରମକୁ ଶିବାୟ ଡ୍ୟାନ୍ସ ମ୍ୟୁଜିକ୍ ଏକାଡେମୀର ଅଧକ୍ଷ ଶିବ ରଞ୍ଜନ ବେହେରା ଅଧକ୍ଷତା କରିଥିବା ବେଳେ ବିଜ୍ଞାନ ମହାନ୍ତି ମଞ୍ଚ ପରିଚାଳନା କରିଥିଲେ ।