ଢ଼େଙ୍କାନାଳ : ରାଜ୍ୟ ରାଜସ୍ବ କ୍ଷେତ୍ର ଅଧିକାରୀ, ଢେଙ୍କାନାଳ ରାଜସ୍ବ ଶାଖା ର ,ଚତୁର୍ଥ ତ୍ରୟ ବାର୍ଷିକ ସମ୍ମିଳନୀ, ଢେଙ୍କାନାଳ ସ୍ଥିତ ଦତ୍ତାତ୍ରେୟ ସାଇ ଆଶ୍ରମ ପ୍ରାଙ୍ଗଣ ରେ ଅନୁଷ୍ଠିତ ହୋଯାଇଅଛି। ଉକ୍ତ ସମ୍ମିଳନୀ ରେ ସର୍ବ ସହମତ୍ତି ରେ, ଜିଲ୍ଲା ରାଜସ୍ବ ସଂଘ ର ସଭାପତି ଭାବରେ ଶ୍ରୀ ପ୍ରଦ୍ୟୁମ୍ନ କୁମାର ସେଠୀ, ଜିଲ୍ଲା ସମ୍ପାଦକ ଭାବରେ ଶ୍ରୀ ରାଜେନ୍ଦ୍ର ପ୍ରସାଦ ସାହୁ, ଜିଲ୍ଲା ଉପ ସଭାପତି ଭାବରେ ଶ୍ରୀ ଅନିଲ କୁମାର ସାହୁ, ଶ୍ରୀ ସୁନିଲ୍ କୁମାର ନାୟକ ,ଶ୍ରୀ ଉତ୍କଳ କୁମାର ସେଠୀ ଓ ଜିଲ୍ଲା କୋଷାଧ୍ୟକ୍ଷ ଭାବରେ ଶ୍ରୀ ଚନ୍ଦନ କୁମାର ଦାସଙ୍କୁ ସର୍ବ ସହମତି ରେ ଚୟନ କରା ଯାଇଥିଲା। ସେପରି ଭାବରେ ସଂଘ ର ଅନ୍ୟାନ୍ୟ ପଦ ରେ ଜିଲ୍ଲା ର ବିଭିନ୍ନ ରାଜସ୍ବ ଅଧିକାରୀ ମାନେ ଚୟନ ହେବା ସହିତ ପଦ ମର୍ଯ୍ୟାଦା ର ଶପଥ ଗ୍ରହଣ କରିଥିଲେ। ରାଜ୍ୟ ସଂଘ ର ରାଜ୍ୟ ସଭାପତି ଶ୍ରୀଯୁକ୍ତ ସୁଚନ୍ଦ୍ର ମହାନ୍ତି, ରାଜ୍ୟ ସାଧାରଣ ସମ୍ପାଦକ ଶ୍ରୀଯୁକ୍ତ ମହମ୍ମଦ ଜାଭେଦ ଆଖତର୍ ଓ ରାଜ୍ୟ କାର୍ଯ୍ୟକାରିଣୀ ର ଅନ୍ୟାନ୍ୟ ସମସ୍ତ ସଦସ୍ୟ ଗଣ ଉପସ୍ଥିତ ରହି ନିର୍ବାଚନ ପରିଚାଳନା କରିବା ସହିତ, ଜିଲ୍ଲା ରାଜସ୍ବ ଅଧିକାରୀ ମାନଙ୍କୁ ଉତ୍ସାହିତ କରି ଥିଲେ। ଉକ୍ତ ସମ୍ମିଳନୀ ରେ ଜିଲ୍ଲା ସଂଘ ର କାର୍ଯ୍ୟକାରିଣୀ ସଦସ୍ୟ ମାନଙ୍କ ଚୟନ ସହିତ, ସଂଘ ର ଆଗାମୀ କାର୍ଯ୍ୟ ପନ୍ଥା ଓ ସରକାରଙ୍କ ନିକଟରେ ଦାବି ବିଷୟରେ ଆଲୋଚନା ହୋଇଥିଲା।ଶ୍ରୀ ସୌମ୍ୟ ରଞ୍ଜନ ପରିଡ଼ା, ଉକ୍ତ ସଭା କୁ ସଞ୍ଚାଳନ କରି ଧନ୍ୟବାଦ ଅର୍ପଣ କରିଥିଲେ ।
