ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ମଠକରଗୋଳା ମହାବିଦ୍ୟାଳୟ ରେ ପବିତ୍ର ଗୁରୁ ଦିବସ ଅବସରରେ ବହୁ ଆଡମ୍ବର ରେ ଗୁରୁ ପୂଜନ ସହିତ ଗୁରୁ ଦିବସ ପାଳନ ହୋଇ ଯାଇଛି।
ସ୍ନାତକ ଶ୍ରେଣୀ ର ତେର ଗୋଟି ସମ୍ମାନ ବିଭାଗର ଛାତ୍ର ଛାତ୍ରୀ ମାନେ ପୃଥକ ଭାବରେ ଗୁରୁ ପୂଜନ କରିବା ସହିତ ସାଂସ୍କୃତିକ କାର୍ଯ୍ୟକ୍ରମ ଓ ସଭା ସମିତି ର ଆୟୋଜନ କରିଥିଲେ। ସେହି ପରି ଯୁକ୍ତ ଦୁଇ ର ଛାତ୍ର ଛାତ୍ରୀ ମାନେ ମଧ୍ୟ ବହୁଳ ସଂଖ୍ୟାରେ ଉପସ୍ଥିତ ରହି ଏକ ବର୍ଣାଢ଼୍ୟ କାର୍ଯ୍ୟକ୍ରମ ର ଆୟୋଜନ କରି ଗୁରୁଜୀ ଗୁରୁମା ମାନଙ୍କୁ ପୂଜା କରିବା ସହିତ ଉପଢୌକନ ପ୍ରଦାନ କରିଥିଲେ। ଅଧିକାଂଶ ଛାତ୍ର ଛାତ୍ରୀ ସେମାନଙ୍କର ଗୁରୁଭକ୍ତି ର ଭାବନାକୁ ବକ୍ତୃତା ମାଧ୍ୟମରେ ପ୍ରକାଶ କରିଥିଲେ।
ପ୍ରତ୍ୟେକ ସମ୍ମାନ ବିଭାଗର ତଥା +୨ ର କାର୍ଯ୍ୟକ୍ରମ ରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଚିତ୍ତ ରଞ୍ଜନ ଦାଶ ଅଧ୍ୟକ୍ଷତା କରିଥିଲେ।ଉକ୍ତ ଦିବସର ମହତ୍ତ୍ୱ ତଥା ଛାତ୍ର ଛାତ୍ରୀ ମାନେ ଗୁରୁଭକ୍ତି କୁ ପାଥେୟ କରି ଏକ ଶୃଙ୍ଖଳିତ ସମାଜ ଗଠନ କରିବା ସହିତ ଆତ୍ମନିର୍ଭରଶୀଳତା ଆପଣେଇବା ପାଇଁ ଚେଷ୍ଟା କରିବା ଉଚିତ ବୋଲି ଅଧ୍ୟକ୍ଷ ମତବ୍ୟକ୍ତ କରିଥିଲେ।
ଉକ୍ତ ଉତ୍ସବରେ ବାଣିଜ୍ୟ ବିଭାଗର ମୂଖ୍ୟ ଅଧ୍ୟାପକ ସୁଧାଂଶୁ ଶେଖର ପାତ୍ର, ଗଣିତର କୈଳାସ ଚନ୍ଦ୍ର ପାତ୍ର, ଶିକ୍ଷା ର ପ୍ରଶାନ୍ତ କୁମାର ମିଶ୍ର, ଇଂରାଜୀ ର ସ୍ଵପ୍ନିତା ରାଉତ, ରସାୟନ ବିଭାଗର ପ୍ରତିଭା ମଞ୍ଜରି ଦାଶ, ପଦାର୍ଥ ବିଜ୍ଞାନର ପରେଶ ଚନ୍ଦ୍ର ବେହେରା, ଉଦ୍ଭିଦ ବିଜ୍ଞାନ ର ପ୍ରଦିପ୍ତା ମହାପାତ୍ର ଓ ଶ୍ରାବଣୀ ସପ୍ତାଶ୍ଚର୍ଯୀ, ବାଣିଜ୍ୟର ଅର୍ଚ୍ଚିତା ମହାମାନସିଂହ ଓ ଶୁଭସ୍ମିତା ବିଶ୍ଵାଳ ତଥା ଲଳିତ କୁମାର ବେହେରା ପ୍ରମୁଖ କାର୍ଯ୍ୟକ୍ରମ ରେ ଅଂଶ ଗ୍ରହଣ କରି ସ୍ଵମତ ପ୍ରଦାନ କରିଥିଲେ।।