ଢେଙ୍କାନାଳ : ଜିଲ୍ଲାର ପ୍ରତ୍ୟେକ ମଣ୍ଡଳ ସ୍ତରରେ ମହିଳା ମୋର୍ଚ୍ଚା ସଂଗଠନକୁ ସୁଦୃଢ କରିବା ପାଇଁ ସ୍ଥାନୀୟ ଜିଲ୍ଲା ବିଜେପି କାର୍ଯ୍ୟାଳୟରେ ମହିଳା ମୋର୍ଚ୍ଚା ଜିଲ୍ଲା ସଭାନେତ୍ରୀ ମମତା ସ୍ୱାଇଁଙ୍କ ଅଧ୍ୟକ୍ଷତାରେ ଜିଲ୍ଲା ପଦାଧିକାରୀଙ୍କ ଏକ ବୈଠକ ଅନୁଷ୍ଠିତ ହୋଇଥିଲା ।
ବିଜେପି ଜିଲ୍ଲା ସଭାପତି ନରେଶ ଚନ୍ଦ୍ର ମହାପାତ୍ର ମୁଖ୍ୟ ଅତିଥି, ଜିଲ୍ଲା ମହିଳା ମୋର୍ଚ୍ଚା ପ୍ରଭାରୀ ଯଶ୍ୱସିନୀ ରାଉତ ଓ ବିଜେପି ଜିଲ୍ଲା ସମ୍ପାଦିକା ରୁନୁବାଳା ରାଉତ ସମ୍ମାନିତ ଅତିଥି ଭାବେ ଯୋଗଦେଇ ଆଗାମୀ ଦିନରେ ମହିଳା ମୋର୍ଚ୍ଚାର ସଂଗଠନକୁ ଆହୁରି ଦୃଢ କରିବା ପାଇଁ ଆଲୋଚନା କରିଥିଲେ ।
ଏହି ବୈଠକରେ ଜିଲ୍ଲା ମହିଳାମୋର୍ଚ୍ଚା ଉପସଭାନେତ୍ରୀ ସବିତା ନାଏକ, ସାଧାରଣ ସଂପାଦିକା ସସ୍ମିତା ସାମଲ, ସମ୍ପାଦିକା ଦମୟନ୍ତୀ ପାଣି, ମଧୁସ୍ମିତା ପୁହାଣ, ଉଲ୍ଲି ନାୟକ, ସୁୁୁନିତା ନାଥ, ପ୍ରଣତି ସାହୁ, କଳ୍ପନ ବିଶ୍ୱାଳ ପ୍ରମୁଖ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ ।