ଢେଙ୍କାନାଳ : ଭୁବନ ଅଞ୍ଚଳରେ ସନ୍ଧ୍ୟାରେ ଦୁଇଟି ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣେ ଜେଲର ସହିତ ଅନ୍ୟ ଜଣେ ମହିଳା ଗୁରୁତର ହୋଇଛନ୍ତି ।
ସୂଚନା ମୁତାବକ ଯାଜପୁର ଜେଲରେ ଜେଲର ଥିବା ପପୁ ପ୍ରସାଦ ମହାରଣା ଏକ ବାଇକ ଯୋଗେ ଶ୍ୱଶୁର ଘରକୁ ଫେରୁଥିଲେ । ଭୁବନ କଲେଜ ଛକରେ ଏକ ଦଶ ଚିକିଆ ଟ୍ରକ ଧକ୍କା ଦେଇଥିଲା ଏବଂ ସେ ଗୁରୁତର ଭାବେ ଆହତ ଥିଲେ ।
ସ୍ଥାନୀୟ ଲୋକମାନେ ଟ୍ରକ ଡ୍ରାଇଭରକୁ ଅଟକ ରଖିବା ସହିତ ଜେଲରଙ୍କୁ ଭୁବନ ଡାକ୍ତରଖାନାରେ ଭର୍ତ୍ତୀ କରାଇଥିଲେ । ଜେଲର ପପୁ ପ୍ରଶାଦ ମହାରଣା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି ।
ଅନ୍ୟ ଏକ ଦୁର୍ଘଟଣାରେ ମାଆପୁଅ ଯାଜପୁର ଜିଲ୍ଲା ସୁକିନ୍ଦାରୁ ଭୁବନ ଏକ ବାଇକ ଯୋଗେ ଆସୁଥିବା ସମୟରେ ବାଉଁଶକଣ ନିକଟରେ ଏକ ଗାଇ ସହିତ ଧକା ହୋଇଥିଲା । ତେବେ ବାଇକରେ ବସିଥିବା ମହିଳା ଗୁରୁତର ହୋଇ ଭୁବନ ମେଡିକାଲରେ ଚିକିତ୍ସିତ ହେଉଛନ୍ତି । ମହିଳା ଜଣକ ସୁକିନ୍ଦା ଗ୍ରାମର ଦୁର୍ଗାବତୀ ଦେବୀ ବୋଲି ଜଣାପଡିଛି ଅନ୍ୟପଟେ ଜେଲରଙ୍କ ଘର କଙ୍କଡାହାଡ ଅଞ୍ଚଳରେ ବୋଲି ଜଣାପଡିଛି ।