ଢେଙ୍କାନାଳ : ସଦର ବ୍ଲକ୍ ବଳଦିଆବନ୍ଧ ପଞ୍ଚାୟତ ମହୁଲପଡ଼ା ଗ୍ରାମସ୍ଥିତ ବିଶ୍ୱ କୁନ୍ତଳ ଶିଶୁଗୃହରେ ସଦଭାବନା ଦିବସ ପାଳିତ ହୋଇଯାଇଛି।
ଶିଶୁଗୃହ ମୁଖ୍ୟ ପରିଚାଳିକା ଇନ୍ଦିରା ମଙ୍ଗଳ ପ୍ରତିଷ୍ଠାନର ସମ୍ପାଦିକା ପୁଷ୍ପାଞ୍ଜଳି ଜେନାଙ୍କ ଅଧ୍ୟକ୍ଷତାରେ ଜିଲା ସକ୍ରିୟ ନାଗରିକ ପରଷଦି ସଭାପତି ପ୍ରଦ୍ୟୁମ୍ନ ରଥ ମୁଖ୍ୟ ଅତିଥି ଭାବେ ଯୋଗଦେଇ ବିଶ୍ୱବାସୀଙ୍କ ମଙ୍ଗଳକାମନା କରିବା ସହ ସମସ୍ତଙ୍କ ପ୍ରତି ସଦଭାବନା ବଜାୟ ରଖିବା ଭାରତୀୟ
ସଂସ୍କୃତିର ଅବିଚ୍ଛେଦ୍ୟ ଅଙ୍ଗ ବୋଲି କହିଥିଲେ। ପରିଷଦ ଉପସଭାପତି ଅଖିଳ ମହାପାତ୍ର ଅତିଥି ପରିଚୟ ପ୍ରଦାନ କରିଥିଲେ।
ପରିଷଦର ଆଇନ ଉପଦେଷ୍ଟା ଗିରିଜା ପ୍ରସାଦ ମହାନ୍ତି, ଯୁଗ୍ମ ସମ୍ପାଦକ କ୍ଷେତ୍ରବାସୀ ସାହୁ, କୋଷାଧ୍ୟକ୍ଷ ମହେନ୍ଦ୍ର ସାହୁ ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇ ସୁନାଗରିକ ହେବା ଉପରେ ଗୁରୁତ୍ୱାରୋପ କରିଥିଲେ । ଅନ୍ତେବାସୀନୀ ପ୍ରତୀକ୍ଷା, ଶ୍ରୀମତୀ ସ୍ୱାଗତ ସଙ୍ଗୀତ ପରିବେଷଣ କରିଥିବାବେଳେ ସର୍ବେଶ୍ୱର ମଲ୍ଲିକ ଧନ୍ୟବାଦ ଅର୍ପଣ କରଥିଲେ ।