ଢ଼େଙ୍କାନାଳ – ଭୁବନ ପଞ୍ଚାୟତ ସମିତି ଓ ଭୁବନ ବିଜ୍ଞାପିତ ଅଞ୍ଚଳ ପରିଷଦ ତରଫରୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ବ୍ଲକ ଅଧ୍ୟକ୍ଷା ଶ୍ରୀମତୀ ସିପ୍ରା ବରାଳ ଓ ବିଡ଼ିଓ କଲ୍ୟାଣ ସୌରଭ ଦାଶ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏଲଇଡି ଟେଲିଭିଜନ ମାଧ୍ୟମରେ ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ର ସିଧା ପ୍ରସାରଣ କରାଯାଇଥିଲା । ଏହି ଅବସରରେ ଭଜନ କୀର୍ତ୍ତନ ,ଓଡ଼ିଶୀ ନୃତ୍ୟ ପରିବେଷଣ କରାଯାଇଥିଲା । ପ୍ରତ୍ୟେକ ପଞ୍ଚାୟତରେ ମଧ୍ୟ ଏଲଇଡି ମାଧ୍ୟମରେ ଜଗନ୍ନାଥ ପ୍ରେମୀ ଭକ୍ତ ମାନେ ଲୋକାର୍ପଣ ଉତ୍ସବ ର ସିଧା ପ୍ରସାରଣ ଦେଖିବା ସହିତ ସାମୁହିକ ପ୍ରସାଦ ସେବନ କରିଥିଲେ। ଏନ୍ ଏ ସି ତରଫରୁ ଭୁବନ ଜଗନ୍ନାଥ ମନ୍ଦିର ସମ୍ମୁଖରେ ଲୋକାର୍ପଣ ଉତ୍ସବ ପାଳନ କରାଯାଇଥିଲା । ଏଲଇଡି ମାଧ୍ୟମରେ ଲୋକ ମାନେ ସିଧା ପ୍ରସାରଣ ଦେଖିଥିଲେ। ବ୍ଲକ ଏବଂ ଏନ୍ ଏ ସି ର ସମସ୍ତ କର୍ମଚାରୀ, ସ୍ଵୟଂ ସହାୟକ ଗୋଷ୍ଠୀ ସଦସ୍ୟା ମାନେ ସକ୍ରିୟ ଅଂଶ ଗ୍ରହଣ କରିଥିଲେ।
