୩୮ ବର୍ଷ ରେ ପଦାର୍ପଣ କଲା ସିନେମା ହଲ କାଳୀ ପୂଜା : ବୁଧବାର ବଡପୂଜା ରେ ୫ ହଜାର ଭକ୍ତ ଙ୍କ ପାଇଁ ପ୍ରସାଦ ସେବନ ବ୍ୟବସ୍ଥା !

ଢ଼େଙ୍କାନାଳ :ଶକ୍ତି ସ୍ୱରୁପୀଣି,ଅଭୟ ପ୍ରଦାୟିନୀ,ଦୁଷ୍ଟ ନିବାରିଣି ମା ‘ କାଳୀ ଙ୍କ ଆବାହନ ପାଇଁ ଭୁବନ ଉତ୍ସବ ମୁଖର ହୋଇପଡିଛି । ୧୯୮୬ ମସିହା ରେ ଭୁବନ ଏନ୍ ଏ ସି ଅନ୍ତର୍ଗତ ୧ ନମ୍ୱର୍ ୱାର୍ଡ ସିନେମା ହଲ ନିକଟ ସାହି ବାସିନ୍ଦା ଙ୍କ ପ୍ରଚେଷ୍ଟା ରେ ଆରମ୍ଭ ହୋଇଥିବା କାଳୀ ପୂଜା ଚଳିତ ବର୍ଷ ୩୮ ତମ ବାର୍ଷିକ ପୂଜା କରୁଛି । ସୁଉଚ୍ଚ ତୋରଣ,ଲାଇଟ୍ ଗେଟ୍ ସାଙ୍ଗକୁ ରଙ୍ଗୀନ ଆଲୋକମାଳା ରେ ଝଲସୁଛି ଭୁବନ । ରବି ନାରାୟଣ ସାହୁ କର୍ତ୍ତା ସାଜିଥିଲା ବେଳେ ସଭାପତି ସନ୍ତୋଷ କୁମାର ପୋଥାଳ ଙ୍କ ତତ୍ତ୍ଵାବଧାନରେ ଧନେଶ୍ଵର ଦାସ,ଅଜିତ ନନ୍ଦୀ, ଟିଟୁ ଦାସ, ଲୋକନାଥ ପତ୍ର,ସମରସେନ୍ ନାୟକ,ଗୋପାଳ ନାୟକ, ନୀତେଶ କୁମାର ପୋଥାଳ,ପର୍ଶୁରାମ ପୋଥାଳ,ସଦାନନ୍ଦ ନାୟକ ପ୍ରମୁଖ ସକ୍ରିୟ ଅଂଶ ଗ୍ରହଣ ଓ ସହଯୋଗ କରୁଛନ୍ତି । ଆସନ୍ତା ବୁଧବାର ଦିନ ମା ‘ କାଳୀ ଙ୍କ ବଡ଼ପୂଜା ହେବ ଓ ୫ ହଜାର ଶ୍ରଦ୍ଧାଳୁ ଭକ୍ତ ଙ୍କ ନିମନ୍ତେ ସାମୁହିକ ପ୍ରସାଦ ସେବନ ର କାର୍ଯ୍ୟକ୍ରମ ରହିଛି ଏବଂ ଆସନ୍ତା ରବିବାର ଅପରାହ୍ନ ରେ ଭସାଣି ଯାତ୍ରା ଅନୁଷ୍ଠିତ ହେବ ।