ଢେଙ୍କାନାଳ : ଜିଲ୍ଲାପାଳ ଶ୍ରୀ ମନୋରଞ୍ଜନ ମଲ୍ଲିକ ବୈଦ୍ୟୁତିକ ନିରାପତ୍ତା ବିଷୟରେ ସତର୍କ ସୂଚନା ବିଷୟରେ ଲୋକଙ୍କୁ ସଚେତନ କରାଇବା ପାଇଁ ଏକ ସଚେତନ ରଥର ଶୁଭାରମ୍ଭ କରିଛନ୍ତି l ଏହି ରଥ ଜିଲ୍ଲା ସାରା ବୁଲି ବୈଦ୍ୟୁତିକ ନିରାପତ୍ତା ବିଷୟରେ ଲୋକଙ୍କୁ ସଚେତନ କରାଇବ ଏହା ସହ ବୈଦ୍ୟୁତିକ ତାର ସଂସ୍ପର୍ଶରେ ଆସି ହାତୀ ମାନେ ଯେପରି ମୃତ୍ୟୁବରଣ କରୁଛନ୍ତି ସେ ବିଷୟରେ ବି ସଚେତନ କରାଇବ l ଏହାସହିତ ଗ୍ରାହକ ମାନେ କିପରି ଅନଲାଇନ ମାଧ୍ୟମରେ ବିଦ୍ୟୁତ ବିଲ ପୈଠ କରିବେ ଓ ଅନ୍ୟାନ୍ୟ ସୁବିଧା ସୁଯୋଗ ବିଷୟରେ ଏହି ରଥ ସଚେତନ କରାଇବ l ଏହି କାର୍ଯ୍ୟକ୍ରମଟି ଟିପିସିଓଡିଏଲ ତରଫରୁ ଆୟୋଜିତ କରାଯାଇଥିଲା l
