ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ବାରୁଆଁ (ବି)ପଞ୍ଚାୟତ ର କାଇଁଶିରି ଗ୍ରାମରେ ବ୍ଲକ ପ୍ରଶାସନ ତରଫରୁ ସୌର ପାନୀୟ ଜଳ ପ୍ରକଳ୍ପ ନିର୍ମାଣ କରାଯାଇଥିଲା l ଲୋକମାନେ ଏହା ଦ୍ବାରା ସୁବିଧାରେ ପାଣି ପାଉଥିଲେ l ଗତ କିଛି ଦିନ ହେଲା ଟାଙ୍କି ଖରାପ ହୋଇଥିବା ଯୋଗୁଁ ଏହି ପ୍ରକଳ୍ପ ଟି ଅଚଳ ହୋଇ ପଡ଼ିଥିଲା ଓ ଲୋକମାନେ ପାନୀୟ ଜଳ ପାଇ ପାରୁ ନଥିଲେ l ଏ ସମ୍ପର୍କରେ ବାରୁଆଁ (ବି) ସରପଞ୍ଚ ଶ୍ରୀମତୀ ବୀଣାପାଣି ସାହୁ ଙ୍କ ଠାରୁ ଅଭିଯୋଗ ପାଇ ବ୍ଲକ ଅଧ୍ୟକ୍ଷା ସିପ୍ରା ବରାଳ ପାନୀୟ ଜଳ ପ୍ରକଳ୍ପ କୁ ତୁରନ୍ତ ସଚଳ କରାଇବାକୁ ଦେଇଥିଲେ l ବିଡ଼ିଓ ଶ୍ରୀଯୁକ୍ତ କଲ୍ୟାଣ ସୌରଭ ଦାଶ ଗ୍ରାମୀଣ ଜଳ ଯୋଗାଣ ଓ ପରିମଳ ବିଭାଗ କନିଷ୍ଠ ଯନ୍ତ୍ରୀ , ଏସ ଡି ଓ ଙ୍କୁ ଏହି ସମସ୍ୟା ସମ୍ପର୍କରେ ଅବଗତ କରାଇଥିଲେ। ବିଭାଗୀୟ କର୍ମଚାରୀ ମାନେ ଘଟଣା ସ୍ଥଳକୁ ଯାଇ ଏକ ନୂଆ ଟାଙ୍କି ଲଗାଇ ପାନୀୟ ଜଳ ପ୍ରକଳ୍ପ କୁ ସଚଳ କରିଥିଲେ l ଲୋକମାନେ ଖୁସିରେ ଆତ୍ମହରା ହୋଇ ସରପଞ୍ଚ,ବିଡ଼ିଓ ଏବଂ ବ୍ଲକ ଅଧ୍ୟକ୍ଷା ଙ୍କୁ କୃତଜ୍ଞତା ଜଣାଇଥିଲେ l
