ଢେଙ୍କାନାଳ : ଗଁଦିଆ ବ୍ଳକ ଅନ୍ତର୍ଗତ ଷଡ଼ଙ୍ଗୀ ନୂଆ ସାହି ରେ ଶିକ୍ଷା ସଚେତନତା ରଥ କୁ ବିପୁଳ ସମ୍ବର୍ଦ୍ଧନା ଜ୍ଞାପନ କରାଯାଇଅଛି।
ଷଡ଼ଙ୍ଗୀ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଅର୍ଜୁନ ଚରଣ ସେଠୀ ଓ ଷଡ଼ଙ୍ଗୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ର ରାଷ୍ଟ୍ରପତି ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷକ ପ୍ରକ୍ରୁତିବନ୍ଧୁ ହରିହର ସାହୁ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଷଡ଼ଙ୍ଗୀ ନୂଆ ସାହି ରେ ଶିକ୍ଷା ସଚେତନତା ରଥ ପରିକ୍ରମା କରୁଥିବା ବେଳେ ପୂର୍ବତନ ବ୍ଳକ ଅଧ୍ୟକ୍ଷା କୁନିଲତା ଦେହୁରୀ ନେତୃତ୍ବରେ ମହିଳା ସଂକୀର୍ତ୍ତନ ମଣ୍ଡଳୀ ନାମ ପରିବେଷଣ କରି ଷଡ଼ଙ୍ଗୀ ନୂଆ ସାହି କୁ ପରିକ୍ରମା କରାଇଥିଲେ।
ନୂଆସାହି ପ୍ରାଥମିକ ବିଦ୍ୟାଳୟ ସମ୍ମୁଖରେ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ମଞ୍ଜୁଲତା ମହାନ୍ତି, ସହକାରୀ ଶିକ୍ଷୟିତ୍ରୀ ପୁଷ୍ପ ଲତା ସାହୁ , ଶିକ୍ଷୟିତ୍ରୀ ମିନତି ସାହୁ, ପ୍ରଭାସ ମିଶ୍ର, ଜଗବନ୍ଧୁ ରାଉତ ଙ୍କ ଉପସ୍ଥିତି ରେ ଶତାଧିକ ଗ୍ରାମବାସୀ ମାନଙ୍କ ସହଯୋଗ ରେ ପୂର୍ବତନ ବ୍ଳକ ଅଧ୍ୟକ୍ଷା କୁନିଲତା ଦେହୁରୀ ନଡ଼ିଆ ବାଡ଼େଇ ପୁଷ୍ପ ଧୂପ ଦୀପ ପ୍ରଜ୍ବଳନ କରି ଶିକ୍ଷା ସଚେତନତା ରଥ କୁ ସମ୍ବର୍ଦ୍ଧିତ କରିଥିଲେ। ଏହି କାର୍ଯ୍ୟକ୍ରମ ରେ ଜନସାଧାରଣ ଆନନ୍ଦିତ ହୋଇ ଶିକ୍ଷା ଅଧିକାରୀଙ୍କ ନିକଟରେ କୃତଜ୍ଞତା ପ୍ରଦାନ କରିଥିଲେ।