ଢ଼େଙ୍କାନାଳ: ଭୁବନର ସାରସ୍ୱତ ଅନୁଷ୍ଠାନ ବାଣୀସାହିତ୍ୟ ସଂସଦର ୩୫ ତମ ବାର୍ଷିକ ଉତ୍ସବରେ ଭୁବନେଶ୍ୱରର ସମାଜସେବୀ ତଥା କବୟିତ୍ରୀ ସରୋଜିନୀ ମହାନ୍ତିଙ୍କୁ ବାଣୀପ୍ରତିଭା ସମ୍ମାନରେ ଭୂଷିତ କରାଯାଇଛି | ସଭାପତି ରବୀନ୍ଦ୍ର ହୋତାଙ୍କ ଅଧକ୍ଷତାରେ ବରିଷ୍ଠ ନାଗରିକ ସଭାଗୃହ ଠାରେ ଅନୁଷ୍ଠିତ ଉତ୍ସବରେ ନଗରପାଳ ଶୁଭେନ୍ଦୁ ସାହୁ ତହସିଲଦାର ଅଂଶୁମାନ ମହାପାତ୍ର ପଣ୍ଡିତ ପ୍ରମୋଦ ମିଶ୍ର ଅତିଥି ଭାବେ ଯୋଗ ଦେଇଥିଲେ | ଭୁବନ ଅଞ୍ଚଳର ନାରୀ କବି ବିଳାସିନୀ ପୃଷ୍ଟି, ତୁଳସୀ ସାହୁଙ୍କୁ ସମ୍ବର୍ଦ୍ଧିତ କରାଯାଇଛି | କେନ୍ଦ୍ରରାବାଦକ ଗୋପୀନାଥ ବେହେରା, କିମତ ପଟ୍ଟନାୟକ, ବିନୟ ପଟନାୟକ , ଚିତ୍ରଶ୍ଲୀପି ନାରାୟଣ ସାହୁ, ଚିତ୍ତରଞ୍ଜନ ମିଶ୍ର, ଙ୍କ ସମେତ ବହୁ କବି ଲେଖକ ଯୋଗ ଦେଇଥିଲେ | ପରିବେଶବିତ ପ୍ରଶାନ୍ତ ଦିବେଦୀ ସଂଯୋଜନା କରିଥିଲେ |
