ଢ଼େଙ୍କାନାଳ: ଭୁବନ ସରକାରୀ ଉଚ୍ଚ ବିଦ୍ୟାଳୟ ପ୍ରତିଷ୍ଠାର ୭୫ ବର୍ଷ ପୂର୍ତ୍ତି ଅବସରରେ ପ୍ଲାଟିନମ ଜୁବଲି ମହୋତ୍ସବ ପାଳନ ନେଇ ଉଚ୍ଚ ବିଦ୍ୟାଳୟ ପରିସରରେ ପୁରାତନ ଛାତ୍ରଙ୍କ ଉପସ୍ଥିତିରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି।ପଞ୍ଜାବ ନେସନାଲ ବ୍ୟାଙ୍କର ଅବସରପ୍ରାପ୍ତ ଜେନେରାଲ ମ୍ୟାନେଜର ଧନେଶ୍ଵର ସାହୁ, କୃଷ୍ଣ ଚନ୍ଦ୍ର ଆଇଚ,ମହୋତ୍ସବର ମୁଖ୍ୟ ସଂଯୋଜକ ନିଶାକର ସାହୁ,ନଗରପାଳ ଶୁଭେନ୍ଦୁ ସାହୁ, ପ୍ରଭାସ ସେନାପତି, ବିନୋଦ ମହାରଣା ଏବଂ ସନ୍ତୋଷ ବିହାରୀଙ୍କ ସମେତ ଅନ୍ୟ ପୁରାତନ ଛାତ୍ର ମାନେ ଉପସ୍ଥିତ ଥିଲେ।ମହୋତ୍ସବ ରେ ହେବାକୁ ଥିବା ସମସ୍ତ କାର୍ଯ୍ୟକ୍ରମ ସମ୍ବନ୍ଧରେ ଆଲୋଚନା ହୋଇଥିଲା ।ଚଳିତ ମାସର ଶେଷ ସପ୍ତାହ ରେ ଅଧିକ ପୁରାତନ ଛାତ୍ରଙ୍କୁ ନେଇ ଏକ ସାଧାରଣ ବୈଠକ ଅନୁଷ୍ଠିତ ହେବା ପାଇଁ ସ୍ଥିର ହୋଇଛି।
