ଭୁବନ ୩୧.୭- ଭୁବନ ବ୍ଲକ ଅନ୍ତର୍ଗତ ଵାରୁଆଁ (ବି) ସରପଞ୍ଚ ଶ୍ରୀମତୀ ବୀଣାପାଣି ସାହୁ ଓ ସମାଜସେବୀ ବିନୟ କୁମାର ସାହୁ ( ସ୍ଵେଚ୍ଛାକୃତ ଅବସର ଗ୍ରହଣ କରିଥିବା ପୋଲିସ କର୍ମଚାରୀ )ଙ୍କ ପୁତ୍ର ବିପ୍ଳବ ସାହୁ ଓଡ଼ିଶା ପ୍ରଶାସନିକ ସେବା ( ଓ ଏ ଏସ ) ପରୀକ୍ଷା ରେ କୃତିତ୍ୱ ହାସଲ କରିଥିବା ଜଣାପଡିଛି । ଏହି ଖବର ଜଣାପଡିବା ପରେ ତାଙ୍କ ନିକଟକୁ ଅଭିନନ୍ଦନ ଓ ଶୁଭେଚ୍ଛା ର ସୁଅ ଛୁଟିଛି। ଶ୍ରୀମାନ ବିପ୍ଳବ ସାହୁ ରାଉରକେଲା ସରସ୍ଵତୀ ଶିଶୁ ବିଦ୍ୟା ମନ୍ଦିର ରେ ମାଟ୍ରିକ ପାସ କଲା ପରେ ଭୁବନେଶ୍ବର ରେ +୨ ଏବଂ ସିନର୍ଜି ଇଞ୍ଜିନିୟରିଂ କଲେଜ ରେ ବି ଟେକ ପାସ କରିଛନ୍ତି । ଓ ଏ ଏସ ପରୀକ୍ଷା ରେ କୃତକାର୍ଯ୍ୟ ହାସଲ କରି ଭୁବନ ଅଞ୍ଚଳ ପାଇଁ ଗର୍ବ ଓ ଗୌରବ ଆଣି ଦେଇଥିବାରୁ ଭୁବନ ବ୍ଲକ ଅଧ୍ୟକ୍ଷା ଶ୍ରୀମତୀ ସିପ୍ରା ବରାଳ ଓ ପୂର୍ବତନ ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ତାଙ୍କ ସଫଳତା ପାଇଁ ଅଭିନନ୍ଦନ , ଶୁଭେଚ୍ଛା ଜଣାଇବା ସହ ଉତ୍ତରୋତ୍ତର ଉନ୍ନତି କାମନା କରିଛନ୍ତି ।
