ଢେଙ୍କାନାଳ : ହିନ୍ଦୋଳ ନିର୍ବାଚନ ମଣ୍ତଳି ଅନ୍ତର୍ଗତ ରସୋଳ ସ୍ଥିତ ଦାମାନି ପ୍ଲାଜାରେ ୧୮ ତାରିଖ ମଙ୍ଗଳବାର ବିଜେପି ଦଳପକ୍ଷରୁ ନିର୍ବାଚନ ମଣ୍ତଳି ସ୍ତରୀୟ ପ୍ରବାସ ଯୋଜନା ଅନ୍ତର୍ଗତ ଏକ ସାଙ୍ଗଠନିକ ବୈଠକ ଅନୁଷ୍ଟିତ ହୋଇଯାଇଛି । ବିଜେପି ନେତ୍ରୀ ତଥା ପୂର୍ବତନ ମନ୍ତ୍ରୀ ଅଞ୍ଜଳି ବେହେରାଙ୍କ ନେତୃତ୍ୱରେ ପ୍ରଥମେ କୁନୁଆଁ ସ୍ଥିତ ଶକ୍ତିପୀଠ ମା ସକିଆ ବାଉତି ମନ୍ଦିରରେ ଦର୍ଶନ ପରେ ରାସୋଳ ମଣ୍ତଳ ସଭାପତି ମନୋରଂଜନ ନାଥଙ୍କ ପୌରହିତ୍ୟରେ ଅନୁଷ୍ଠିତ ସାଙ୍ଗଠନିକ ବୈଠକରେ କେନ୍ଦ୍ର ଗୃହ ରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାଏ ମୂଖ୍ୟ ଅତିଥି ଏବଂ ସମ୍ମାନିତ ଅତିଥିଭାବେ ପ୍ରାକ୍ତନ ସାଂସଦ ରୁଦ୍ରନାରାୟଣ ପାଣି , ରାଜ୍ୟକାର୍ଯ୍ୟକାରିଣୀ ସଦସ୍ୟା ଅଞ୍ଜଳି ବେହେରା , ଲୋକସଭା ର ପ୍ରଭାରୀ ସିମାଞ୍ଚଳ ଖଟେଇ , ସଂଯୋଜକ ପ୍ରେମାନନ୍ଦ ଜେନା , ବିସ୍ତାରକ ଅମ୍ବୃତ ସ୍ୱାଇଁ , ବିଧାନସଭା ପ୍ରଭାରୀ ସୁନିଲ ଶର୍ମା , ବିଧାନସଭା ସଂଯୋଜକ ପ୍ରଶାନ୍ତ ପ୍ରଧାନ , ଜିଲ୍ଲା ଉପସଭାନେତ୍ରୀ ଇତିଶ୍ରୀ ସାହୁ , ସହସଂଯୋଜକ ସହଦେବ ପୃଷ୍ଟି , ସଂପାଦକା ସରିତା ମହାପାତ୍ର ପ୍ରମୁଖ ଯୋଗଦେଇଥିଲେ । ପ୍ରାରମ୍ଭରେ ମୂଖ୍ୟଅତିଥି ପ୍ରଦୀପ ପ୍ରଜ୍ଜୋଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ , ପ୍ରବାସ ଯୋଜନା ର ଉପକାରିତା ଓ ଉପାଦେୟତା ସଂପର୍କରେ ପଦାଧିକାରୀଙ୍କୁ ଗୁରୁମନ୍ତ୍ର ପ୍ରଦାନ ସହ ତୃଣମୁଳ ସ୍ତରରୁ ଦଳିୟ ସଂଗଠନକୁ ମଜବୁତ୍ କରିବାକୁ ମୁଖ୍ୟଅତିଥି ବହୁମୁଲ୍ୟ ପରାମର୍ଶ ପ୍ରଦାନ କରିଥିଲେ ।
