ଢ଼େଙ୍କାନାଳ : ଆମ୍ ଆଦମୀ ପାର୍ଟିର ଜିଲ୍ଲା ପଦାଧିକାରୀ ମାନଙ୍କୁ ନେଇ ଜିଲ୍ଲା ଆବାହକ ପଙ୍କଜ ନାୟକଙ୍କ ଅଧ୍ୟକ୍ଷତାରେ ଓଡାପଡ଼ା ବ୍ଲକ ସିମିନଇ ଗ୍ରାମର ଶିବ ମନ୍ଦିର ପ୍ରାଙ୍ଗଣରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି l ପ୍ରଥମେ ଗତଜୁଲାଇ ୫ ରେ ହୋଇଯାଇଥିବା ବିଜୁଳି ଆନ୍ଦୋଳନ ସମ୍ପର୍କରେ ଆଲୋଚନା ହୋଇଥିଲା l ଜିଲ୍ଲାର ଚାରୋଟିଯାକ ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ମାନେ ନିଜ ନିର୍ବାଚନ ମଣ୍ଡଳୀ ବିଷୟରେ ସାଙ୍ଗଠନିକ ସ୍ଥିତି ସମ୍ପର୍କରେ ସୂଚନା ଦେଇଥିବା ବେଳେ ବ୍ଲକ ସଭାପତିମାନେ ନିଜ ନିଜ ବ୍ଲକର ସଂଗଠନକୁ ସୁଦୃଢ କରିବାପାଇଁ ପଂଚାୟତ ସ୍ତରରେ କମିଟି କରିବାପାଇଁ ପ୍ରତିଶୃତି ଦେଇଥିଲେ l ଆସନ୍ତା ଅଗଷ୍ଟ କୋଡିଏ ତାରିଖ ମଧ୍ୟରେ ହିନ୍ଦୋଳ ନିର୍ବାଚନ ମଣ୍ଡଳୀରେ ଗରିବ ଲୋକଙ୍କ ବିଜୁଳି ଲାଇନ ବିଛିନ୍ନ ଏବଂ ଦୁଇ ଶହ ୟୁନିଟ ଦେୟ ମୁକ୍ତ ବିଜୁଳି ଦାବିରେ ଏକ ଆନ୍ଦୋଳନ ସହିତ ଜନସଭା କରିବାର ନିଷ୍ପତ୍ତି ନିଆଗଲା l ଯଦି ରାଜ୍ୟ ସରକାର ଦୁଇ ଶହ ବିଜୁଳି ଦେୟମୁକ୍ତ ନକରନ୍ତି, ତେବେ ଅନ୍ୟ ସମସ୍ତ ନିର୍ବାଚନ ମଣ୍ଡଳୀ ଗୁଡିକରେ ଆନ୍ଦୋଳନ ଓ ଜନସଭା କରାଯିବ l ଦୁଇ ଶହ ୟୁନିଟ ଦେୟମୁକ୍ତ ବିଜୁଳି ଆନ୍ଦୋଳନରେ ସାମିଲ ହୋଇ ନିଜ ଅଧିକାରକୁ ସାବ୍ୟସ୍ତ କରିବାପାଇଁ ଢ଼େଙ୍କାନାଳବାସୀଙ୍କୁ ଜିଲ୍ଲା ସଭାପତି ଶ୍ରୀ ନାୟକ ନିବେଦନ କରିଛନ୍ତି l ଜିଲ୍ଲା ଯୁବ ସଭାପତି ଅଶ୍ୱିନୀ ପଟ୍ଟନାୟକ ସମସ୍ତ ବ୍ଲକରୁ ଯୁବ ପିଢ଼ିଙ୍କୁ ନେଇ ଦଶ ଦିନ ମଧ୍ୟରେ ଏକ ବୈଠକ କରିବାପାଇଁ ନିଷ୍ପତ୍ତି ନିଆଯାଇଥିଲା l ଏହି ବୈଠକରେ ଜିଲ୍ଲା କୋଷାଧକ୍ଷ ଶରତ ଗିରି, ଉପସଭାପତି ରମେଶ ଚନ୍ଦ୍ର ପଣ୍ଡା ଓ ବିଭୁରଞ୍ଜନ ସାହୁ, ଜିଲ୍ଲା ଯୁଗ୍ମ ସମ୍ପାଦକ ବିଧୁରଞ୍ଜନ ନାୟକ, ଶଙ୍କର୍ଷଣ ଦଳାଇ ଓ ଚିନ୍ମୟ ସେନାପତି,ସୋସିଆଲ ମିଡ଼ିଆ ପ୍ରଭାରୀ ସୁମନ୍ତ ଗୋଛାୟତ, ବ୍ଲକ ସଭାପତି ମନୋରଞ୍ଜନ ପାଳ, ଲକ୍ଷ୍ମଣ ନାଏକ, ଶେଷଦେବ ବେହେରା, ପୌରାଞ୍ଚଳ ମହିଳା ନେତ୍ରୀ ନଳିନୀ ସାହୁ, ଯୁବ ସଂଗଠକ ଟୁନା ନାଏକ ଓ ସୁଧାକର ଭୋଇ, ସଦସ୍ୟ ଜିତେନ୍ଦ୍ର ବେହେରା ପ୍ରମୁଖ ଯୋଗଦେଇ ନିଜ ନିଜ ବକ୍ତବ୍ୟ ରଖିଥିଲେ l ଜିଲ୍ଲା ସାଧାରଣ ସମ୍ପାଦକ ବିଷ୍ଣୁ ପ୍ରସାଦ ପଣ୍ଡା ସ୍ୱାଗତ ଭାଷଣ ଦେଇଥିବା ବେଳେ ଜିଲ୍ଲା ଉପସଭାପତି ବିକ୍ରମ ରାଉତ ଧନ୍ୟବାଦ ଅର୍ପଣ କରିଥିଲେ l
