ଢ଼େଙ୍କାନାଳ : ଭୁବନ ଫରେଷ୍ଟ ରେଞ୍ଜରେ ସମୁଦାୟ ୯୯୮ ଟି ପକ୍ଷୀ ଗଣନା କରାଯାଇଛି । ଫରେଷ୍ଟ ରେଞ୍ଜର ଙ୍କ ନେତୃତ୍ବରେ ଶୀତ କାଳୀନ ପକ୍ଷୀ ଗଣନା କାର୍ଯ୍ୟ ଅନୁଷ୍ଠିତ ହୋଇଯାଇଛି l ଚଳିତ ବର୍ଷ ଭୁବନ ବନ ବିଭାଗ ପକ୍ଷରୁ ରାଙ୍କିଆ, ଅଁଳାପାଳ ଓ ନୀଳକଣ୍ଠପୁର ତିନୋଟି ସ୍ଥାନରେ ପକ୍ଷୀ ଗଣନା ହୋଇଛି I ପୂର୍ବ ବର୍ଷ ୮୪୭ ଟି ପକ୍ଷୀ ଗଣନା ହୋଇଥିବା ବେଳେ ଚଳିତ ବର୍ଷ ୨୭ ପ୍ରଜାତିର ୯୯୮ ପକ୍ଷୀ ଗଣନା ହୋଇଛି I ଗ୍ରାମାଞ୍ଚଳରେ ସାଧାରଣତ ପାଣିକୁଆ, ଗେଣ୍ଡାଳିଆ, କାଣ୍ଟିବଗ, ମାଛରଙ୍କା, ଡାହୁକ, ସାନ ବଗ, ବଡ ବଗ ଓ ଗାଈଆ ବଗ ଏହି ପରି ଦଶ ପ୍ରକାରର ପକ୍ଷୀ ଦେଖିବାକୁ ମିଳିଥାଏ l ପକ୍ଷୀ ଗଣନା ରେ ଜିରାଳ ଫରେଷ୍ଟର କବିତା ବିଶ୍ଵାଳ, ଭୁବନ ଫରେଷ୍ଟର କଳ୍ପନା ବେହେରା, ମଠକରୋଗୋଳା ଫରେଷ୍ଟର ଲୁସ୍ମିତା ସିଂ, ବନ କର୍ମଚାରୀ ମମତା କଅଁର , ତୁଳସୀ ସାହୁ ହାତୀ ସ୍କାର୍ଡ ପ୍ରମୋଦ ରାଉତ, ସନାତନ ଦାସ ସହଯୋଗ କରିଥିଲେ ।
