ଢ଼େଙ୍କାନାଳ ଭୁବନ ବ୍ଲକ ମଠକରଗୋଳା ପଞ୍ଚାୟତ ଅନ୍ତର୍ଗତ ଓରୀଙ୍ଗା ବାଲିସାହି ର ମା ତାରିଣୀ କ୍ରିକେଟ କପ୍ ଉଦଘାଟିତ ହୋଇଯାଇଛି । ଉଦଘାଟନୀ ମ୍ୟାଚ୍ ରେ ୭୮ ରନ ରେ ହରିପୁର କୁ ପରାସ୍ତ କରି ମର୍ଥାପୁର ଦଳ ବିଜୟ ଲାଭ କରିଥିଲା । ହରିପୁର ଟସ ରେ ଜିତି ପ୍ରଥମେ ବୋଲିଂ କରିବାକୁ ନିଷ୍ପତି ନେଇଥିଲା । ମାର୍ଥାପୂର ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭର ରେ ୫ ୱିକେଟ ହରାଇ ୨୪୭ ରନ କରିଥିଲା । ଦଳ ପକ୍ଷରୁ ଦୁଷ୍ମନ୍ତ ମିଶ୍ର ୫୯ ,ସୁନିଲ ରାଉତ ୫୭ ଓ ପ୍ରିୟବ୍ରତ ମିଶ୍ର ୫୧ ରନ କରିଥିଲେ । ଏହାର ଜବାବ ରେ ହରିପୁର ଦଳ ୧୫ ଓଭର ରେ ସମସ୍ତ ୱିକେଟ ହରାଇ ମାତ୍ର ୧୬୯ ରନ କରିବାକୁ ସକ୍ଷମ ହୋଇଥଲା। ଦଳ ପକ୍ଷରୁ ପ୍ରଭାସ ପରିଡ଼ା ସର୍ବାଧିକ ୩୯ ରନ କରିଥିଲେ। ପ୍ରିୟବ୍ରତ ମିଶ୍ର ବ୍ୟକ୍ତିଗତ ୫୧ ରନ କରିବା ସହିତ ୩ ଓଭର ବୋଲି କରି ୨୯ ରନ ବ୍ୟୟରେ ମୂଲ୍ୟବାନ ୨ ଟି ୱିକେଟ ନେଇଥିବାରୁ ତାଙ୍କୁ ଶ୍ରେଷ୍ଠ ଖେଳାଳୀ ଭାବେ ପୁରସ୍କୃତ କରାଯାଇଥିଲା । ପ୍ରକାଶ ବେହେରା ଓ ସନାତନ ବେହେରା ଖେଳ ପରିଚାଳନା କରିଥିଲେ । ଉଦଘାଟନୀ ଉତ୍ସବରେ ରାଜ୍ୟ ସମବାୟ ବାଣିଜ୍ୟ ମହାସଂଘ,ଓଡ଼ିଶା ତଥା ଅନୁଗୁଳ ସଂଯୁକ୍ତ କେନ୍ଦ୍ର ସମବାୟ ବ୍ୟାଙ୍କ ଲିମିଟେଡ ନିର୍ଦ୍ଦେଶକ ଅଭିମନ୍ୟୁ ବେହେରା ମୁଖ୍ୟ ଅତିଥି ଭାବେ ଯୋଗଦେଇ କ୍ରିକେଟ କପ୍ କୁ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ମଠକରଗୋଳା ସରପଞ୍ଚ ଅଜୟ ନାୟକ,ସମାଜସେବୀ ଶଶିକାନ୍ତ ସ୍ୱାଇଁ ଯୋଗଦେଇଥିଲେ ।
