ଢ଼େଙ୍କାନାଳ : ଭୁବନ ବାଜି ରାଉତ ସ୍ମୃତି ମହାବିଦ୍ୟାଳୟ ଅଧ୍ୟକ୍ଷ ଅଜିତ କୁମାର ବେହେରା ଙ୍କ ବିଦାୟକାଳୀନ ସ୍ମୃତି ଉପଲକ୍ଷେ ମଙ୍ଗଳବାର ଏକ ବନ୍ଧୁତ୍ୱ ପୂର୍ଣ୍ଣ କ୍ରିକେଟ ମ୍ୟାଚ ଅନୁଷ୍ଠିତ ହୋଇଥିଲା । ବାଜି ରାଉତ କଲେଜ ଓ କାମାକ୍ଷା ନଗର କଲେଜ ମଧ୍ୟରେ ଅନୁଷ୍ଠିତ ମ୍ୟାଚ୍ ରେ ବାଜି ରାଉତ କଲେଜ ବିଜୟୀ ହୋଇଥିଲା । ଟସ ରେ ଜିତି କାମାକ୍ଷାନଗର ମହାବିଦ୍ୟାଳୟ ବ୍ୟାଟିଂ ପାଇଁ ବାଜି ରାଉତ କଲେଜ କୁ ଆମନ୍ତ୍ରଣ କରିଥିଲା । ବାଜିରାଉତ ସ୍ମୃତି ମହାବିଦ୍ୟାଳୟର ଅଧିନାୟକ ଶ୍ରୀଯୁକ୍ତ କୈଳାସ ଚନ୍ଦ୍ର ବେହେରା ଏବଂ ଉପଅଧିନାୟକ ଶ୍ରୀମାନ ଆଲୋକ ରଞ୍ଜନ ଷଡ଼ଙ୍ଗୀ ବ୍ୟାଟିଂ କରି ଦଳକୁ ମଜବୁତ ସ୍ଥିତିରେ ପହଞ୍ଚାଇ ଥିଲେ । କରୁଣାକର ରାଉଳ ସର୍ବାଧିକ ୪୫ ରନ ଓ କ୍ୟାପଟେନ କୈଳାସ ଚନ୍ଦ୍ର ବେହେରା ୧୮ ରନ କରିଥିଲେ । ନିର୍ଦ୍ଧାରିତ ୧୫ ଓଭର୍ ରେ ୬ଟି ୱିକେଟ ହରାଇ ୧୬୧ ରନ ଏକ ବିଶାଳ ସ୍କୋର କରିଥିଲା। ୧୬୨ ରନର ପିଛାକରି କାମାକ୍ଷାନଗର ପ୍ରାରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖିନ ହୋଇଥିଲେ। ଅଧିନାୟକ ପ୍ରସନ୍ନ କୁମାର ସାହୁଙ୍କ ରକ୍ଷଣାତ୍ମକ ବ୍ୟାଟିଂ ସତ୍ତ୍ୱ ଦଳ ନିର୍ଦ୍ଧାରିତ ୧୫ ଓଭରରେ ୬ ୱିକେଟ୍ ହରାଇ ମାତ୍ର ୬୬ ରନ୍ ସଂଗ୍ରହ କରିବାରେ ସମର୍ଥ ହୋଇଥିଲେ। ଏହି ବନ୍ଧୁତ୍ୱ ପୂର୍ଣ୍ଣ ମ୍ୟାଚ୍ ରେ ମୁଖ୍ୟ ଅତିଥି ଭାବେ ପୂର୍ବତନ ଅଧ୍ୟକ୍ଷ ନିତ୍ୟାନନ୍ଦ ପରିଡ଼ା ଯୋଗଦେଇ ଉତ୍ସାହିତ କରିଥିଲେ । ବାଜିରାଉତ କଲେଜ ଅଧ୍ୟକ୍ଷ ଓ କାମାକ୍ଷାନଗର କଲେଜ ଅଧ୍ୟକ୍ଷ ଙ୍କ ସମେତ ଦୁଇ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଏବଂ କର୍ମଚାରୀମାନେ ଉପସ୍ଥିତ ଥିଲେ ।
