ଢେଙ୍କାନାଳ : ନେହେରୁ ଯୁବ କେନ୍ଦ୍ର , ଆନୁକୂଲ୍ୟରେ ଭୁବନ ଉଚ୍ଚ ବିଦ୍ୟାଳୟ ଖେଳ ପଡିଆରେ ଦୁଇ ଦିନିଆ କ୍ରୀଡା ପ୍ରତିଯୋଗିତା ଅନୁଷ୍ଟିତ ହୋଇଯାଇଛି ।
ମହାବୀର କ୍ଲବ, ମହୁଲପାଳ ସଦସ୍ୟ ମାନଙ୍କ ଦ୍ୱାରା ଶହେ ମିଟର ଦୌଡ , ୨୦୦ ମିଟର ଦୌଡ , ଉଚ୍ଚ ଡିଆଁ , ଲମ୍ବ ଡିଆଁ , କବାଡି , ବ୍ୟାଟମିଣ୍ଟନ ଓ ଭଲି ବଲ ଖେଳ ଅନୁଷ୍ଟିତ ହୋଇଥିଲା । ପ୍ରାୟ ୫୦ ରୁ ଉର୍ଦ୍ଧ୍ୱ ପ୍ରତିଯୋଗୀ ଭାଗ ନେଇଥିଲେ । ଫ୍ରେଣ୍ଡସିପ କ୍ଲବ ଭଲିବଲରେ ପ୍ରଥମ ସ୍ଥାନ ହାସଲ କରିଥିଲା ।
ସମାଜସେବୀ ମାୟାଧର ଗୁରୁ ଓ ଶିକ୍ଷାବିତ୍ ଦିନେଶ ରାଉତ ଅତିଥି ଭାବେ ଯୋଗଦେଇଥିଲେ । ଲୋଟସ ଗୁରୁ , ଜୀବନଜ୍ୟୋତି ପୃଷ୍ଟି , ହୃଦୟ ରଞ୍ଜନ ପୃଷ୍ଟି , ସନ୍ତୋଷ ବେହେରା , ରୁଦ୍ର ନାରାୟଣ ବେହେରା , ବିଶ୍ୱଜିତ ନାୟକ , ଅଜୟ ସାହୁ , ସୁଦାମ ପୃଷ୍ଟି ପ୍ରମୁଖ ଖେଳ ପରିଚାଳନା କରିଥିଲେ ।