ଢ଼େଙ୍କାନାଳ : ଭୁବନ ବ୍ଲକ ଅନ୍ତର୍ଗତ ଶ୍ରୀ ଶ୍ରୀ ବାଲୁଙ୍କେଶ୍ୱର ଉଚ୍ଚ ମାଧ୍ୟମିକ ବିଦ୍ୟାଳୟ , ବାରୁଆଁ (ବି) ରେ ଛାତ୍ରୀ ମାନଙ୍କ ଆତ୍ମରକ୍ଷା ତାଲିମ ଶିବିର ଉଦଘାଟିତ ହୋଇଯାଇଛି ।
ମହାବିଦ୍ୟାଳୟର ଅଧ୍ୟକ୍ଷ ରବି ନାରାୟଣ ସାହୁ ଏହି ଶିବିର କୁ ଆନୁଷ୍ଠାନିକ ଭାବେ ଉଦଘାଟନ କରି ଆଜିକାଲି ସମାଜରେ ନାରୀ ନିର୍ଯ୍ୟାତନା ବୃଦ୍ଧି ପାଉଥିବାରୁ ଛାତ୍ରୀ /ମହିଳା ମାନେ ନିଜର ସୁରକ୍ଷା ପାଇଁ ସର୍ବଦା
ନିଜେ ପ୍ରସ୍ତୁତ ରହିବା ଉଚିତ । ଏହାହିଁ ଆତ୍ମରକ୍ଷା ତାଲିମ ଶିବିର ର ମୂଳଲକ୍ଷ୍ୟ ଓ ଉଦ୍ଦେଶ୍ୟ ବୋଲି ମତବ୍ୟକ୍ତ କରିଥିଲେ ।
ସମ୍ମାନୀତ ଅତିଥି ଭାବେ ଅଧ୍ୟାପିକା କନକଲତା ମହାକୁଡ , କ୍ରୀଡା ଅଧ୍ୟାପକ ଲକ୍ଷ୍ମଣ କୁମାର ରାଉତ , ଅଧ୍ୟାପକ ଛାୟାକାନ୍ତ ବେହେରା , ମଧୁସୁଦନ ପ୍ରଧାନ , ପ୍ରତାପ କୁମାର ବାରିକ , ନୃସିଂହ ଚରଣ ବେହେରା , ମନୋଜ କୁମାର ସାହୁ ପ୍ରମୁଖ ଯୋଗ ଦେଇଥିଲେ । ପ୍ରଶିକ୍ଷିକା ଭାବେ ମାଷ୍ଟର ଟ୍ରେନର ଅମ୍ରିତା ସାହୁ ସମୁଦାୟ ୫୮ ଜଣ ଛାତ୍ରୀ ଙ୍କୁ ଜୁଡୋ , କରାଟେ ପ୍ରଶିକ୍ଷଣ ଦେଉଛନ୍ତି ।