ଢେଙ୍କାନାଳ : ସଦର ବ୍ଲକ୍ ଅନ୍ତର୍ଗତ ଗେଙ୍ଗୁଟିଆ ଗ୍ରାମ ପଂଚାୟତ ଶିଶୁ ବିଦ୍ୟା ମନ୍ଦିରର ୨୪ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି ।
ମୁଖ୍ୟ ଅତିଥି ଭାବେ ଜେନେରାଲ୍ ମ୍ୟାନେଜର ୱାର୍କସ୍ ନର୍ଭେରାମ୍ ଷ୍ଟିଲ୍ସ ଆଣ୍ଡ ପାୱାର ଓ ସମ୍ମାନିତ ଅତିଥି ଭାବେ କ୍ଷୀରୋଦ କୁମାର ବେହେରା ଜେନେରାଲ ମ୍ୟାନେଜର ଉତ୍କଳ ଆଜବେଷ୍ଟସ୍ ଲିମିଟେଡ୍, ମୁଖ୍ୟବକ୍ତା ସନ୍ତୋଷ କୁମାର ପୃଷ୍ଟି, ସମ୍ପାଦକ ମଧ୍ୟ ସମ୍ଭାଗ ଶିକ୍ଷା ବିକାଶ ସମିତି ଓଡିଶା ପ୍ରମୁଖ ଯୋଗଦେଇ ଛାତ୍ରଛାତ୍ରୀ ଓ ଅଭିଭାବକ ମାନଙ୍କୁ ମାର୍ଗଦର୍ଶନ କରିଥିଲେ ।
ବିଦ୍ୟାଳୟର ସମ୍ପାଦକ ରମେଶ କୁମାର ରାଉତ ଅତିଥି ପରିଚୟ ପ୍ରଦାନ କରିଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ପ୍ରମୋଦ କୁମାର ମିଶ୍ର ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ । ବିଦ୍ୟାଳୟର ସଭାପତି ଦୀନବନ୍ଧୁ ମଲ୍ଲିକ ଧନ୍ୟବାଦ ପର୍ବ ପ୍ରଦାନ କରିଥିଲେ । ଶେଷରେ ବିଦ୍ୟାଳୟର କୁନି କୁନି ବିଦ୍ୟାର୍ଥୀମାନଙ୍କ ଦ୍ୱାରା ମନୋମୁଗ୍ଧକର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।
ଏଥିରେ ଶିଶୁ ମନ୍ଦିରର ସମସ୍ତ ଗୁରୁମା, ଗୁରୁଜୀ, ପୁରାତନ ଛାତ୍ର, ବିଦୁତ ପରିଷଦର ସମ୍ପାଦକ ଓ ଉପଦେଷ୍ଟାମାନଙ୍କ ଆନ୍ତରୀକତା ସହିତ ପ୍ରତ୍ୟକ୍ଷ ପରୋକ୍ଷ ସହଯୋଗରେ ବାର୍ଷିକ ଉତ୍ସବଟି ସଠିକ୍ ଢଙ୍ଗରେ ସମାପନ ହୋଇଥିଲା ।