ଢ଼େଙ୍କାନାଳ : ଭୁବନ ବ୍ଲକର ଅଠରଟି ପଞ୍ଚାୟତର ସମସ୍ତ ହାଇସ୍କୁଲକୁ ନେଇ ବ୍ଲକ ସ୍ତରୀୟ ବିଜ୍ଞାନ ମେଳା ଭୁବନ ହାଇସ୍କୁଲ ଠାରେ ଆୟୋଜିତ ହୋଇଯାଇଛି ।
ପରିବେଶ ଓ ବିଜ୍ଞାନ ବିଷୟବସ୍ତୁକୁ ନେଇ ଛାତ୍ରଛାତ୍ରୀଙ୍କ ଦ୍ବାରା ସୁନ୍ଦର ସୁନ୍ଦର ବିଜ୍ଞାନ ନମୂନା ପ୍ରସ୍ତୁତ କରାଯାଇଥିଲା। ଉକ୍ତ ବିଜ୍ଞାନ ମେଳାରେ ଭୁବନ ଏନଏସିର ନଗରପାଳ ଶ୍ରୀଯୁକ୍ତ ଶୁଭେନ୍ଦୁ କୁମାର ସାହୁ, ବ୍ଲକ ଅଧ୍ୟକ୍ଷା ସିପ୍ରା ବରାଳ ଓ ଭୁବନ ବ୍ଲକ ପୂର୍ବତନ ଅଧ୍ୟକ୍ଷ ଧର୍ମାନନ୍ଦ ବରାଳ ଅତିଥି ରୁପେ ଯୋଗ ଦେଇଥିଲେ।
ଅତିଥିମାନେ ଛାତ୍ରଛାତ୍ରୀଙ୍କୁ ନିଜ ଦୈନଦିନ ଜୀବନରେ ବିଜ୍ଞାନର ପ୍ରୟୋଗ ଓ ସିଧାନ୍ତ ଉପରେ ମନୋନିବେଶ କରିବାକୁ ପରାମର୍ଶ କରିଥିଲେ। ପରିବେଶ ଓ ବିଜ୍ଞାନର ମହତ୍ବ ଉପରେ ପିଲାମାନଙ୍କୁ ବୁଝାଇ ଥିଲେ। ପରେ ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ପରିବେଶ ଅନୁକୂଳ ନମୁନାଗୁଡିକୁ ବୁଲି ଦେଖିଥିଲେ ।