ଢେଙ୍କାନାଳ : ଗତ ୨୩ ତାରିଖ ଠାରୁ ୨୫ ତାରିଖ ପର୍ଯ୍ୟନ୍ତ ଢେଙ୍କାନାଳ ବାପ୍ଟିଷ୍ଟ ଚର୍ଚ୍ଚରେ ଅତି ଆନନ୍ଦର ସହିତ ବଡଦିନ ପାଳନ କରୁଅଛି ।
ଏହି ବଡଦିନ ଅର୍ଥାତ୍ ୨୫ ତାରିଖରେ ଚର୍ଚ୍ଚର ଅତି ଆନନ୍ଦରେ ପ୍ରଭୁ ଯୀଶୁଖ୍ରୀଷ୍ଟଙ୍କର ପୂଜାର୍ଚ୍ଚନା କରିବା ନିମନ୍ତେ ଖ୍ରୀଷ୍ଟିୟାନ ଭାଇଭଉଣୀମାନେ ଏକତ୍ରିତ ହୋଇଥିଲେ । ଏହି ବଡଦିନ ପ୍ରଭୁ ଯୀଶୁଙ୍କ ଜନ୍ମଦିନ ଉତ୍ସବରେ ଅନେକ ନାଚଗୀତ ଓ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା ଏବଂ ଏହି କାର୍ଯ୍ୟକ୍ରମକୁ ପରିଚଳନା କରିଥିଲେ ଉପସଭାପତି ଅମରେନ୍ଦ୍ର ନାୟକ ଏବଂ ପ୍ରଭୁ ଯୀଶୁଙ୍କର ବାର୍ତା ପ୍ରଚାର କରିଥିଲେ ।
ତାଙ୍କର ବଡଦିନର ସମ୍ବାଦ ଥିଲା କିପରି ପ୍ରଭୁ ଯୀଶୁ ପାପିମାନଙ୍କୁ ଉଦ୍ଧାର କରିବା ନିମନ୍ତେ ମନୁଷ୍ୟମାନଙ୍କୁ ବା ଅନ୍ଧକାରରୁ ଆଲୋକ ମଧ୍ୟକୁ ଆଣିବା ପାଇଁ ସେ ଜ୍ୟୋତି ହୋଇ ଜଗତକୁ ଆସିଥିଲେ । ବରଗଡରୁ ଆଚାର୍ଯ୍ୟ ମହିପାଲ୍ ବାଗ୍ ଏହି କାର୍ଯ୍ୟକ୍ରମରେ ଚର୍ଚ୍ଚର କର୍ମକର୍ତାମାନେ ସାହାଯ୍ୟ କରିଥିଲେ ।
ସେମାନେ ହେଲେ ସଭାପତି ପ୍ରେମାନନ୍ଦ ବିହାରୀ, ଉପସଭାପତି ଅମରେନ୍ଦ୍ର ନାୟକ, ସାଧାରଣ ସଂପାଦକ ରବିନ୍ ଚନ୍ଦ୍ର ନାୟକ, ଯୁଗ୍ମ ସଂପାଦକ ଅଭୟାନନ୍ଦ ବିହାରୀ, ସହ-ସମ୍ପାଦକ ଦେବାଶିଷ ବିହାରୀ, ସହ-କୋଷାଧ୍ୟକ୍ଷ ଦାନିଏଲ୍ ଘୋଷ ପ୍ରମୁଖ ଯୋଗଦେଇ ସହଯୋଗ କରିଥିଲେ ।