ଭୁବନ ନୂଆ ବଜାର ବଣିକ ସଂଘର  ବସନ୍ତ ମିଳନ ଓ ନୂତନ କର୍ମକର୍ତା ଚୟନ : ଦୁଷ୍ମନ୍ତ ପୃଷ୍ଟି  ସଭାପତି , ବସନ୍ତ ପୋଥାଳ ସମ୍ପାଦକ !

ଢ଼େଙ୍କାନାଳ : ଭୁବନ  ଶ୍ରୀ ଶ୍ରୀ ମହାଲକ୍ଷ୍ମୀ ବଣିକ ସଂଘ , ନୂଆ ବଜାର ଭୁବନ ତରଫରୁ ନୀଳକଣ୍ଠପୁରସ୍ଥ ଉଦ୍ୟାନ ବିଭାଗ ଫାର୍ମ ଠାରେ (୫୭ ତମ ବାର୍ଷିକ ଉତ୍ସବ) ବସନ୍ତ ମିଳନ ଓ ନୂତନ କର୍ମକର୍ତା ଚୟନ ଅନୁଷ୍ଠିତ ହୋଇଯାଇଛି ।

ବରିଷ୍ଠ ସଭ୍ୟ ଅକ୍ଷୟ କୁମାର ପାତ୍ର ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସମ୍ପାଦକ ଭବାନୀ ଶଙ୍କର ବେହେରା ଗତ ବର୍ଷ (୨୦୨୧-୨୨) ଲକ୍ଷ୍ମୀପୂଜା, ମାଣବସା ଗୁରୁବାର ଆୟ ବ୍ୟୟ ଉପସ୍ଥାପନ କରିଥିଲେ । ପରେ ପୁରୁଣା କମିଟିକୁ ଭଙ୍ଗ କରାଯାଇ ନୂତନ କମିଟି ଚୟନ କରାଯାଇଥିଲା ।  ଶତାଧିକ ବ୍ୟବସାୟୀ ଭାଇ ଙ୍କ ଉପସ୍ଥିତିରେ  ଚଳିତ ବର୍ଷ ସକାଶେ ଦୁଷ୍ମନ୍ତ କୁମାର  ପୃଷ୍ଟି ( ସଭାପତି) , ବସନ୍ତ କୁମାର ପୋଥାଳ (ସଂପାଦକ) , ସରୋଜ କୁମାର ବିହାରୀ , ମନମୋହନ ସାହୁ (ଉପସଭାପତି ) ,ସୁରେଶ ଚନ୍ଦ୍ର ପୃଷ୍ଟି , ଦିଲ୍ଲୀପ କୁମାର ବେହେରା (ଯୁଗ୍ମ ସଂପାଦକ) ଓ ନରେନ୍ଦ୍ର କୁମାର ବେହେରା (ନୁରୀ) ଙ୍କୁ କୋଷାଧ୍ୟକ୍ଷ ଭାବେ ଚୟନ କରାଯାଇଥିଲା । ନୂତନ କର୍ମକର୍ତାଙ୍କୁ ଫୁଲତୋଡା ଦେଇ ସ୍ୱାଗତ କରାଯାଇଥିଲା । ଦୁଷ୍ମନ୍ତ କୁମାର ପୃଷ୍ଟି ନବମ ଥର ପାଇଁ ସଭାପତି ହୋଇଥିବାରୁ ଶ୍ରୀ ପୃଷ୍ଟି ଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଉଛି ।