ଢ଼େଙ୍କାନାଳ : ଭୁବନ ବାଜିରାଉତ ସ୍ମୃତି ମହାବିଦ୍ୟାଳୟ ଠାରେ ୟୁଥ ରେଡକ୍ରସ ଆନୁକୂଲ୍ୟରେ ବିଶାଳ ରକ୍ତଦାନ ଶିବିର ଅନୁଷ୍ଟିତ ହୋଇଯାଇଛି ।
ଅଧ୍ୟକ୍ଷ ପ୍ରଫେସର ଅଜିତ କୁମାର ବେହେରା ପ୍ରଦୀପ ପ୍ରଜ୍ଜ୍ୱଳନ କରି ଆନୁଷ୍ଠାନିକ ଭାବେ ଶିବିର କୁ ଉଦଘାଟନ କରିଥିଲେ । ୟୁଥ ରେଡକ୍ରସ ସଂଯୋଜକ ଅଧ୍ୟାପକ ପ୍ରଭାତ କୁମାର ଜେନା ଙ୍କ ତତ୍ୱାବଧାନ ଓ ପରିଚାଳନାରେ ଅନୁଷ୍ଠିତ ରକ୍ତଦାନ ଶିବିରରେ ଅଧ୍ୟାପକ ପ୍ରଫେସର ହିମାଂଶୁ ମିଶ୍ର , ତପନ ସାହୁ , ସଂଜୟ ସାହୁ , ସୁବାସ ଚନ୍ଦ୍ର ପତି , ଅଲେଖ ପାତ୍ର , କଳ୍ପତରୁ ସାହୁ , ଅଧ୍ୟାପିକା ଡ.ଶ୍ରାବଣୀ ଅଳ୍ପନା , ସୌମ୍ୟାଶ୍ରୀ ବେହେରା , ମନସ୍ମିତା ମହାପାତ୍ର ପ୍ରମୁଖ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ ।
ଆଗ୍ରହୀ ଯୁବକ , ସ୍ୱେଚ୍ଛାକୃତ ରକ୍ତଦାତା ମାନେ ସକାଳ ୯ ଘଟିକା ଠାରୁ ଅପରାହ୍ନ ୨ ଘଟିକା ମଧ୍ୟରେ ବହୁ ସଂଖ୍ୟାରେ ଯୋଗଦେଇ ରକ୍ତଦାନ କରି ଶିବିର କୁ ସଫଳ କରିଥିଲେ । ୟୁଥ ରେଡକ୍ରସ ୟୁନିଟ ର ସମସ୍ତ ସ୍ୱେଚ୍ଛାସେବୀ , ମହାବିଦ୍ୟାଳୟ କର୍ମଚାରୀ ମାନେ ସଂପୂର୍ଣ୍ଣ ସହଯୋଗ କରିଥିଲେ ।