ଢେଙ୍କାନାଳ : ଜିଲ୍ଲାର ଅନ୍ୟତମ ଶୈବପୀଠ ବାବା ବୁଦ୍ଧେଶ୍ବରଙ୍କ ମନ୍ଦିର ପରିଷରରେ ତୈଳିକ ସମାଜ ପକ୍ଷରୁ ୨୦ତମ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି।
ଉତ୍ସବରେ ଢେଙ୍କାନାଳ ଜିଲ୍ଲାପରିଷଦ ଅଧ୍ୟକ୍ଷା ଅର୍ଚ୍ଚନା ପୁହାଣ , ସ୍ବାମୀ ଶ୍ରିନିବାସନନ୍ଦ ସରସ୍ବତୀ ଓ କଣ୍ଠଶିଳ୍ପୀ ଗୋବିନ୍ଦ ଚନ୍ଦ୍ର ଅତିଥୀ ଭାବେ ଉପସ୍ଥିତ ରହି ସାଧବପୁଅ ଓ ବୋଇତ ବନ୍ଦାଣ ସମ୍ପର୍କରେ ଆଲୋକପାତ କରିଥିଲେ।
ଏହି ଅବସରରେ ତୃପ୍ତି ପାଠାଗାର ତରଫରୁ ବିଭିର୍ଣ୍ଣ କ୍ଷେତ୍ରରେ ସଫଳତା ପାଇଥିବା ୧୦ ଜଣ ପ୍ରତିଭା ମାନଙ୍କ ସହ ନିଜର କର୍ତ୍ତବ୍ୟରେ ସମାଜକୁ ପ୍ରେରଣା ଯୋଗାଉଥିବା ୮ ଜଣ ବ୍ୟକ୍ତିବିଶେଷଙ୍କୁ ପୁଷ୍ପଗୁଚ୍ଛ ଉତ୍ତରିୟ ଓ ମାନପତ୍ର ଦେଇ ସମ୍ମାନିତ କରାଯାଇଛି। ପରେ କୁନିକୁନି ପ୍ରତିଭା ମାନଙ୍କ ଦ୍ବାରା ଏକ ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।