ଲକ୍ଷ୍ମୀବଜାର ପୂଜା ପ୍ରତିଷ୍ଠାନର ୭୫ବର୍ଷ ପୂ୍ର୍ତ୍ତି ଉପଲକ୍ଷେ ମୁଖ୍ୟ ଅତିଥି ଭାବେ ମହାମହିମ ରାଜ୍ୟପାଳ ଯୋଗଦେଲେ !
ଢେଙ୍କାନାଳ : ଲକ୍ଷ୍ମୀବଜାର ପୂଜା ପ୍ରତିଷ୍ଠାନର ୭୫ବର୍ଷ
ପୂ୍ର୍ତ୍ତି ଉପଲକ୍ଷେ ସନ୍ଧ୍ୟାରେ ଆୟୋଜିତ ପ୍ଲାଟିନମ ଜୁବୁଲି ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ମହାମହିମ ରାଜ୍ୟପାଳ ଗଣେଶୀ ଲାଲ୍ ଯୋଗ ଦେଇଥିଲେ ।
ସମ୍ମାନିତ ଅତିଥିଭାବେ ଯୋଗ ଦେଇଥିଲେ ବିଧାୟକ ସୁଧୀର କୁମାର ସାମଲ । ପୂଜା ପ୍ରତିଷ୍ଠାନର ସଭାପତି ଜଗଦୀଶ ପ୍ରସାଦ ଅଗ୍ରୱାଲ ଉତ୍ସବରେ ସଭାପତିତ୍ୱ କରିବା ସହ ସ୍ୱାଗତ ଭାଷଣ ପ୍ରଦାନ କରିଥିଲେ । ଏହି ଅବସରରେ ଅନୁଷ୍ଠାନ ପକ୍ଷରୁ ସ୍ମରଣିକା
‘ପଦ୍ମାଳୟା ’ ଉନ୍ମୋଚିତ ହୋଇଥଲା। ପୂଜା ପ୍ରତିଷ୍ଠାନ ପକ୍ଷରୁ ରାଜ୍ୟପାଳଙ୍କୁ ଏକ ସ୍ମାରକୀ ପ୍ରଦାନ କରାଯାଇଥିଲା। ସମ୍ପାଦକ ସତ୍ୟସ୍ୱରୂପ ଦାସବି ବରଣୀପାଠ କରିଥିବାବେଳେ ସଂଯୋଜକ ପଦ୍ମଭୂଷଣ ସାହୁ ଧନ୍ୟବାଦ ଅର୍ପଣ କରିଥିଲେ।
ଏଥିପୂର୍ବରୁ ରାଜ୍ୟପାଳ ବିଭିନ୍ନ ପୂଜା ମଣ୍ଡପ ବୁଲିମା’ଙ୍କ ସନ୍ଧ୍ୟା ଦର୍ଶନ କରିଥିଲେ। କାର୍ଯ୍ୟକାରୀ ସଭାପତି ପ୍ରଭାକର ବେହେରା, ରଙ୍ଗାଧର ପାତ୍ର, ସମ୍ପାଦକ ରବିନାରାୟଣ ବେହେରା, ମାୟାଧର ପାତ୍ର, ଉପସଭାପତି ରାଜେଶ ସୋନି, ଦେବାଶିଷ ବେହେରା ପ୍ରମୁଖଙ୍କୁ ସମସ୍ତ ସଦସ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।