ଢେଙ୍କାନାଳ : ଜିଲ୍ଲାରେ ଥିବା ସାମାଜିକ ସଂଗଠନ ମାନଙ୍କ ମଧ୍ୟରୁ ବଜରଙ୍ଗ କ୍ଲବ୍ ଓ ପିପୁଲ୍ସ ଫର୍ ସ୍ମାଇଲ୍ ସଙ୍ଗଠନ ପକ୍ଷରୁ ସାମାଜସେବୀ ରାଜ୍ୟ ମହାସଂଘକୁ ଦୁଇଜଣ ମନୋନୀତ ହୋଇଛନ୍ତି ।
ସୂଚନା ଅନୁସାରେ, ରାଜ୍ୟ ସମାଜସେବୀ ମହାସଂଘର ମହାସଚିବ ପଣ୍ଡିତ ଶ୍ରୀପତି ଆଚାର୍ଯ୍ୟ, ସଭାପତି ନରୋତ୍ତମ ଦାସ ଓ ସଂପାଦକ ନାରାୟଣ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ବୈଠକରେ ଢେଙ୍କାନାଳ ଜିଲ୍ଲାରୁ ଦକ୍ଷ ଓ ଯୁବ ସଂଗଠକମାନଙ୍କୁ ଅଗ୍ରାଧିକାର ଦିଆଯାଇ ବଜରଙ୍ଗ କ୍ଲବ୍ର ସଭ୍ୟ ସନ୍ଦୀପ୍ ଷଡଙ୍ଗୀ ଓ ପିପୁଲ୍ସ ଫର ସ୍ମାଇଲ୍ ପକ୍ଷରୁ ଦେବୀଦତ ମହାପାତ୍ର ରାଜ୍ୟ ମହାସଂଘକୁ ମନୋନୀତ ହୋଇଛନ୍ତି ।
ସନ୍ଦୀପ ଷଡଙ୍ଗୀଙ୍କୁ ରାଜ୍ୟ ଉପସଭାପତି ତଥା ଜିଲ୍ଲା ସଂଯୋଜକ ଭାବେ ଓ ଦେବୀଦତ ମହାପାତ୍ରଙ୍କୁ ଯୁଗ୍ମସମ୍ପାଦକ ମନୋନିତ କରାଯାଇଛି । ଜିଲ୍ଲାରେ ଥିବା ସମସ୍ତ ସ୍ୱେଚ୍ଛାସେବୀ ମାନଙ୍କୁ ସଂଗଠିତ କରି ରାଜ୍ୟ ମହାସଂଘ ସହିତ ଜଡିତ ରହି ଗୁରୁଦାୟିତ୍ୱ ତୁଲାଇବା ପାଇଁ ପରାମର୍ଶ ଦିଆଯାଇଛି । ଏହି ଖବର ଶୁଣି ଜିଲ୍ଲାରେ ଥିବା ସାମାଜିକ କର୍ମୀମାନଙ୍କ ମଧ୍ୟରେ ଖୁସିର ଲହରି ଖେଳିବା ସହିତ ସେହି ଦୁଇ ସମାଜସେବୀଙ୍କୁ ଶୁଭେଚ୍ଛା ଜ୍ଞାପନ କରିଛନ୍ତି ।