ଢେଙ୍କାନାଳ : କାମାକ୍ଷାନଗର କଲ୍ୟାଣ ମଣ୍ଡପରେ ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଶିବିର ଆନୁକୂଲ୍ୟରେ ନିଯୁକ୍ତି ମେଳା ଅନୁଷ୍ଠିତ ହୋଇଯାଇଛି।
ବ୍ଲକ ପ୍ରଗତି ସହାୟକ ଶତ୍ରୁଘ୍ନ ଦଣ୍ଡପାଟଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଏନଏସି ଅଧ୍ୟକ୍ଷ ଧମାନନ୍ଦ ର୍ ପରିଡା , ଅନ୍ୟତମ ଅତିଥି ଭାବେ ବ୍ଲକ ଅଧ୍ୟକ୍ଷ ପ୍ରେମାନନ୍ଦ ସାହୁ, ଉପାଧ୍ୟକ୍ଷା ରଞ୍ଜିତା ବିଶ୍ୱାଳ, ବିଡିଓ ବିକାଶ ମହାନ୍ତି ,ଏବଡିଓ ଝରଣା ସାମଲ, ଜିଲ୍ଲା ସଂଯୋଜକ ଦୀନେଶ ମହାନ୍ତି ପ୍ରମୁଖ ଉପସ୍ଥିତ ଥିଲେ।
ବିଭିନ୍ନ ପଞ୍ଚାୟତରୁ ୧୭୦ଜଣ ଆଶାୟୀ ଯୁବକ ଯୁବତୀ ଆସିଥିଲେ। ଏଥିସହ ନିଯୁକ୍ତିଦାତା କମ୍ପାନୀର ଅଧିକାରୀମାନେ ମଧ୍ୟ ଉପସ୍ଥିତ ଥିଲେ। ଶିକ୍ଷିତ ବେକାର ଯୁବକ ଯୁବତୀ ଙ୍କୁ କର୍ମ ନିୟୋଜନ ଯୋଗାଇ ଦେବା ଲକ୍ଷ୍ୟରେ ଏହି ନିଯୁକ୍ତି ମେଳା ଅନୁଷ୍ଠିତ ହୋଇଥିଲା। ଚୟନ ହୋଇଥିବା ଆଶାୟୀମାନେ ବିଭିନ୍ନ ସ୍ଥାନରେ ନିଯୁକ୍ତି ପାଇବେ ବୋଲି ବ୍ଲକ ପ୍ରଗତିସହାୟକ ସୂଚନା ଦେଇଥିଲେ।