ଢେଙ୍କାନାଳ : ସ୍ଥାନୀୟ କାଞ୍ଚନ ବଜାରସ୍ଥିତ ପାଣ୍ଡେ ମାର୍କେଟ୍ କଂପ୍ଲେସ୍ ଠାରେ କାଞ୍ଚନ ବଜାର ମହାଲକ୍ଷ୍ମୀ ପୂଜା କମିଟିର ଏକ ଜରୁରୀ ସାଧାରଣ ସଭା ସଭାପତି ଗୋପାଳ ଚନ୍ଦ୍ର ପାତ୍ରଙ୍କ ଅଧ୍ୟକ୍ଷତାରେ ହୋଇଯାଇଅଛି ।
ସାଧାରଣ ସମ୍ପାଦକ ସାଗିର୍ ମହମ୍ମଦ, କୋଭିଡ୍ ପାଇଁ ବିଗତ ଦୁଇବର୍ଷ ଲକ୍ଷ୍ମୀପୂଜା ନିରାଡମ୍ବର ଭାବେ ପାଳନ ହୋଇଥିବା ବିଷୟ ସଭାରେ ଉପସ୍ଥାପନ କରି ସଂପୃକ୍ତ ବର୍ଷର ଆୟବ୍ୟୟ ହିସାବର ବିବରଣୀ ପାଠ କରିଥିଲେ । ଚଳିତ ବର୍ଷ ୨୦୨୨ ଲକ୍ଷ୍ମୀପୂଜାକୁ ମହାଆଡମ୍ବର ସହ ମହାସମାରୋହରେ ପାଳନ କରିବାକୁ ଉକ୍ତ ବୈଠକରେ ନିଷ୍ପତି ଗ୍ରହଣ କରାଗଲା । ଆସନ୍ତା ୨୦୨୫ ମସିହାରେ କାଞ୍ଚନ ବଜାର ଲକ୍ଷ୍ମୀପୂଜାର ପ୍ଲାଟିନମ୍ ଜୁବୁଲି ମହାସମାରୋହରେ ପାଳନ କରାଯିବ । ଏହି ସମାରୋହକୁ ମହାଆଡମ୍ବରରେ ପାଳନ କରାଯିବାକୁ ନିଷ୍ପତି କରାଗଲା । ସର୍ବସମ୍ମତି କ୍ରମେ ବର୍ତମାନ କି ଟିର କାର୍ଯ୍ୟକାଳକୁ ପ୍ଲାଟିନମ୍ ଜୁବୁଲି ଶେଷ ପର୍ଯ୍ୟନ୍ତ ବର୍ଦ୍ଧିତ କରାଗଲା ।
ଏହି ବୈଠକରେ ବଜାରର ବରିଷ୍ଠ ଉପଦେଷ୍ଟା ଅକ୍ଷୟ କୁମାର ସେନ୍, ସତ୍ୟରଞ୍ଜନ ବିଶ୍ୱାଳ, ଉପ-ସଭାପତି ରାଜକୁମାର ପାଲ୍, କୋଷାଧ୍ୟକ୍ଷ ତାପସ କୁମାର ମାହୁଁନ୍ତଙ୍କ ସମେତ ବଜାରର ଅନେକ ଦୋକାନୀ ଭାଇ ଓ ସାହିବାସୀନ୍ଦା ଉପସ୍ଥିତ ଥିଲେ ।