ସହରରେ ବାଇକ୍ ଚୋରୀ ର୍ୟାକେଟର କିଙ୍ଗପିନ ଗିରଫ : ୭ଟି ଚୋରୀ ବାଇକ ସହ ୬ ଜଣ ବାଇକ୍ ଲୁଟେରାଙ୍କୁ ଗିରଫ କଲା ପୋଲିସ !
ଢେଙ୍କାନାଳ : ସହରରେ ବାଇକ ଚୋରିର ସଂଖ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଥିଲା । ବାଇକ ଚୋରି ଘଟଣା ପୋଲିସକୁ ଏକ ଚ୍ୟାଲେଞ୍ଜ ସୃଷ୍ଟି କରିଥିଲା । ପୋଲିସ ଏହାକୁ ନେଇ ତତ୍ପରତା ପ୍ରକାଶ କରିବା ସହ ଘଟଣାର ତଦନ୍ତ ଜାରି ରଖିଥିଲା ।
କିଛି ଦିନ ପୂର୍ବେ ପୋଲିସ ସହରର କାଞ୍ଚନ ବଜାର ଠାରୁ ବାଇକ ଚୋରି ର୍ୟାକେଟର କାଂଚନ ବଜାର ଅଂଚଳର ବାବୁଲି ସେଠୀଙ୍କ ପୁଅ ଚନ୍ଦନ ସେଠୀକୁ ଗିରଫ କରିବାରେ ସକ୍ଷମ ହୋଇଥିଲା । ଗିରଫ ପରେ ଚନ୍ଦନକୁ ପୋଲିସ ପଚରା ଉଚରା କରିବାରେ ସେ ବାଇକ ଲୁଟ କରିବା ସହ ଜିଲ୍ଲା ତଥା ଜିଲ୍ଲା ବାହାରକୁ ଏହାକୁ ଚାଲାଣ କରୁଥିଲା ବୋଲି ପୋଲିସକୁ ସୂଚନା ଦେଇଥିଲା ।
ସୂଚନାକୁ ଆଧାରକରି ପୋଲିସ ଚନ୍ଦନ ସେଠୀ ସହିତ ବିଭିନ୍ନ ସ୍ଥାନରେ ଚଢାଉ କରି ପରଜଙ୍ଗ ଅଂଚଳର ବିଭିନ୍ନ ସ୍ଥତତାନରେ ଚଢାଉ କରିଥିଲେ । ଚଢାଉ ସମୟରେ ପରଜଙ୍ଗ ଅଂଚଳରୁ ୭ଟି ବାଇକ ଉଦ୍ଧାର କରିଥିବା ବେଳେ ୫ ଜଣଙ୍କୁ ଏହି ଚୋରା କାରବାରରେ ସଂଶ୍ଳିଷ୍ଟ ଥିବା ନେଇ ଗିରଫ କରିଥିଲେ । ଗିରଫ ହୋଇଥିବା ବାଇକ ଲୁଟେରା ହେଲା କୁଲେଇ ଗ୍ରାମର ଲିପୁ ଜେନା(୩୮),ବସୁଲେଇର କପିଳା ପରିଡା (୩୦), ତେଲକୋଇ ଗ୍ରାମର ଦୁଷ୍ମନ୍ତ ସ୍ୱାଇଁ (୪୭) ,କୁଲେଇର ଅମରେନ୍ଦ୍ର ଖଟୁଆ ଓ ଗୁରୁବାରୀ ସାହୁଙ୍କ ସମେତ କୁଲେଇ ପରଜଙ୍ଗ ଗେଙ୍ଗୁଟିଆର ବିଟୁ ପାତ୍ର୍ରକୁ ପୋଲିସ ଗିରଫ କରିଛି । ଉଦ୍ଧାର ବାଇକ ଗୁଡିକ ଢେଙ୍କାନାଳ ସହରରୁ ଚୋରି ଯାଇଥିବାର ଜଣାପଡିଛି ।