ଢେଙ୍କାନାଳ : ସୂଚନା ଓ ଲୋକସମ୍ପର୍କ ବିଭଗ ଅଧିନରେ ଥିବା ହିନ୍ଦୋଳ ସୂଚନା କେନ୍ଦ୍ର ଓ ପାଠାଗାରରେ କାର୍ଯ୍ୟରତ ଶିକ୍ଷିତ ପିଅନ ତଥା ଭାରପ୍ରାପ୍ତ କିରାଣୀ ଗ୍ରନ୍ଥାଗାରିକ କୁଞ୍ଜ ବିହାରୀ ସେଠୀ ଗତ ଜୁନ ୩୦ତାରିଖ ଦିନ ଅବସର ଗ୍ରହଣ କରିଛନ୍ତି ।
ସେ ଦୀର୍ଘ ୩୨ ବର୍ଷ ସରକାରୀ କାର୍ଯ୍ୟ ସୂଚାରୁ ରୂପେ ସମ୍ପାଦନ କରି ହିନ୍ଦୋଳ ଉପଖଣ୍ଡରେ ଲୋକପ୍ରିୟତା ଅର୍ଜନ କରିପାରିଛନ୍ତି । ଏହି ଉପଲକ୍ଷେ ଆଜି ଶ୍ରୀ ସେଠୀଙ୍କୁ ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟର ସମସ୍ତ କର୍ମଚାରୀ ତାଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଜ୍ଞାପନ କରିଛନ୍ତି ।ଏହି ଅବସରରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକରୀ ସାରଦା ପ୍ରସାଦ ମହାନ୍ତି, ଶ୍ରୀ ସେଠୀଙ୍କ ଦୀର୍ଘାୟୁ ଏବଂ ସୁଖମୟ ଜୀବନ କାମନା କରିଛନ୍ତି । ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ରମେଶ ଚନ୍ଦ୍ର ସାହୁ, ଭାରପ୍ରାପ୍ତ ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ କୈଳାସ ଚନ୍ଦ୍ର ବେହେରା, ପ୍ରୋଜେକ୍ଟସନିଷ୍ଟ ସୁବାଷ ଚନ୍ଦ୍ର ବିଶ୍ୱାଳ, କିରାଣୀ ତଥା ଗ୍ରନ୍ଥାଗାରିକ କୈଳାଶ ଚନ୍ଦ୍ର ଦାଶ,ଜିତେନ୍ଦ୍ର ଦାସଙ୍କ ସମେତ ସମସ୍ତ କର୍ମଚାରୀ ଶ୍ରୀ ସେଠୀଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରି ତାଙ୍କର ସୁଖମୟ ଜୀବନ କାମନା କରିଛନ୍ତି ।