ଢେଙ୍କାନାଳ : ଗଁଦିଆ ବ୍ଲକ ଷଡ଼ଙ୍ଗୀ ରେଞ୍ଜ ଅଧିନସ୍ଥ ଷଡ଼ଙ୍ଗୀ ଗ୍ରାମ ର ସନ୍ଧ୍ୟାରେ ବନବିଭାଗ ଜଣେ ଶିକାରୀ ଘରୁ ଦୁଇଟି ବାରହା ମୁଣ୍ଡ ଜବତ କରି ତାକୁ ଗିରଫ କରିଛି ।
ସୂଚନା ମୁତାବକ ଷଡ଼ଙ୍ଗୀ ରେଞ୍ଜ ଅନ୍ତର୍ଗତ ଷଡ଼ଙ୍ଗୀ ଗ୍ରାମର ସବରସାହି ର ସୁରେଶ ରାଉତ(୪୫) ଦିର୍ଘ ଦିନ ଧରି ନିଜର ଘରେ ବେଆଇନି ଭାବରେ ଦୁଇଗୋଟି ବାରହା ମୁଣ୍ଡ ନିଜର ଘରେ ରଖିଥିବାର ବନ ବିଭାଗ ସୂଚନା ପାଇଥିଲା l
ଏ ନେଇ ବନ ବିଭାଗ ପକ୍ଷରୁ ଷଡ଼ଙ୍ଗୀ ରେଞ୍ଜ ଅଧିକାରୀ ଚନ୍ଦ୍ର ମଣି ବେହେରା ଓ ବନପାଳ ଚିନ୍ମୟ ସାହୁ ଙ୍କ ସମେତ ଅନ୍ୟ ବନ କର୍ମଚାରୀ ମାନେ ମିଳିତ ଭାବରେ ତାର ଘରକୁ ଖାନ ତଲାସୀ କରିବା ସମୟରେ ସେଠାରୁ ଦୁଇ ଗୋଟି କଟା ବାରହା ମୁଣ୍ଡ ମିଳିଥିଲା । ଉକ୍ତ ମୁଣ୍ଡ କୁ ଜବତ କରିବା ସହ ଘଟଣା ସ୍ଥଳରେ ଆସାମୀ କୁ ଗିରଫ ସହିତ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।