ଢେଙ୍କାନାଳ : ସହରସ୍ଥିତ ଗୋପବନ୍ଧୁ ଟାଉନ୍ ହଲ୍ ଠାରେ ଇନରହ୍ୱିଲ୍ କ୍ଲବ୍ କପିଳାସ ପକ୍ଷରୁ ପ୍ରତିଭା ଅନ୍ୱେଷଣ ଉତ୍ସବ ପାଳିତ ହୋଇଯାଇଛି ।
ଜିଲ୍ଲାର କୁନିକୁନି କଳାକାରଙ୍କ ମଧ୍ୟରେ ଥିବା ପ୍ରତିଭାକୁ ବିକଶିତ କରିବା ପାଇଁ ଇନରହ୍ୱିଲ୍ କ୍ଲବ୍ ପକ୍ଷରୁ ଏହି ସ୍ୱତନ୍ତ୍ର ପ୍ରଥମ ପ୍ରତିଭା ଅନ୍ୱେଷଣ ଉତ୍ସବରେ ଚିତ୍ରାଙ୍କନ, ନୃତ୍ୟ, ଗୀତ ଏବଂ ଗୃହଲକ୍ଷ୍ମୀ ଆଦି ପ୍ରତିଯୋଗିତା କରାଯାଇଥିଲା । ଏହି କାର୍ଯ୍ୟକ୍ରମରେ କ୍ଲବ୍ର ସଭାନେତ୍ରୀ ପ୍ରିୟତମା ମିଶ୍ରଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ଢେଙ୍କାନାଳ ପୌରପରିଷଦ ର ପୌରାଧ୍ୟକ୍ଷା ଜୟନ୍ତୀ ପାତ୍ର ଯୋଗଦେଇ ଉତ୍ସବକୁ ଉଦ୍ଘାଟନ କରିବା ସହିତ ଅନୁଷ୍ଠାନଟି କିପରି ଉତରୋତର ଉନ୍ନତି କରି ଜିଲ୍ଲାର ପ୍ରତିଭାମାନ ଙ୍କୁ ବିକଶିତ କରିବା ଦିଗରେ ତାଙ୍କର ସମସ୍ତ ସହଯୋଗ ରହିବ ବୋଲି ବକ୍ତବ୍ୟରେ କହିଥିଲେ ।
ଅନ୍ୟତମ ଅତିଥି ଭାବେ କ୍ଲବ୍ର ପୂର୍ବତନ ସଭାନେତ୍ରୀ ଇନା ପୁରୋହିତ, ଜିଲ୍ଲା ସଂପାଦିକା ମଧୁସ୍ମିତା ତ୍ରିପାଠୀ ପ୍ରମୁଖ ଯୋଗଦେଇଥିଲେ । କ୍ଲବ୍ର ସଦସ୍ୟ ତିଳୋତମା ଚୌଧୁରୀ ମଞ୍ଚ ସଂଚାଳନା କରିଥିଲେ । ପରେ ଅତିଥିମାନଙ୍କ ଦ୍ୱାରା କୃତି ପ୍ରତିଯୋଗୀମାନଙ୍କୁ ପୁରଷ୍କୃତ କରାଯାଇଥିଲା । ଆଇ.ଏସ୍.ଓ. ଦୀପ୍ତିବାଳା ମିଶ୍ର, ସମ୍ପାଦିକା ମନୋଜ ମଞ୍ଜରୀ ନନ୍ଦ ଓ ପୁଷ୍ପରାଣୀ ମିଶ୍ର, କୋଷାଧ୍ୟକ୍ଷା ପ୍ରଭାମୟୀ ପାଢୀ, ଲିନା ଚାନ୍ଦ, ବିଶ୍ୱଭାରତୀ ରଥ, ମମତା ମିଶ୍ର, ମମତା ରଥ, ସ୍ୱପ୍ନା ଆଚାର୍ଯ୍ୟ, ଇନ୍ଦିରା ଦେବତା, ଅନ୍ନପୂର୍ଣ୍ଣା ବେହେରା, ପ୍ରଣତି ପଣ୍ଡା, ଆନନ୍ଦିତା ମିଶ୍ର, କର୍ସିଦା ବେଗମ୍, ଅଳକାବତୀ ସାମଲ ପ୍ରମୁଖ ସମସ୍ତ କ୍ଲବ୍ର ସଦସ୍ୟାମାନେ ଯୋଗଦେଇଥିଲେ । ପୁରଷ୍କାର ବିତରଣର ପ୍ରାୟୋଜକ ଥିଲେ ଜୁଏଲାରୀ ଡି.ଏନ୍. ବର୍ମା । ଶେଷରେ ଧନ୍ୟବାଦ ଅର୍ପଣ ପରେ କାର୍ଯ୍ୟକ୍ରମ ସମାପନ ହୋଇଥିଲା ।