ଢେଙ୍କାନାଳ : ଜିଲ୍ଲାପାଳ ସରୋଜ କୁମାର ସେଠୀ ଅଚାନକ ସଦର ତହସିଲ କାର୍ଯ୍ୟାଳୟ ପରିଦର୍ଶନ କରିଥିଲେ ।
ଜିଲ୍ଲାପାଳ ଶ୍ରୀ ସେଠୀ ତହସିଲ କାର୍ଯ୍ୟାଳୟର ସମସ୍ତ ବିଭାଗ ବୁଲି କାର୍ଯ୍ୟକାରିତା ସମ୍ପର୍କରେ କର୍ମଚାରୀମାନଙ୍କ ଠାରୁ ପଚାରି ବୁଝିଥିଲେ । ୫-ଟି ଅନୁଯାୟୀ କାର୍ଯ୍ୟ କରିବା, ସାଧାରଣ ଲୋକମାନେ ମୌଳିକ ସେବା ପାଇବାରେ ଯେପରି ହଇରାଣ ନହୁଅନ୍ତି ସେଥିପ୍ରତି ଗୁରୁତ୍ୱ ଦେବା ସହିତ ଜାତିଗତ ଓ ବାସସ୍ଥାନ ପ୍ରମାଣ ପତ୍ର ପାଇଁ ଆବେଦନ କରୁଥିବା ପିଲାମାନେ ଯେପରି ସୁବିଧାରେ ଏବଂ ଠିକ ସମୟରେ ପ୍ରମାଣପତ୍ର ପାଇ ପାରିବେ ସେଥିପ୍ରତି ଯତ୍ନବାନ ହେବାକୁ ସେ ମିର୍ଦ୍ଦେଶ ଦେଇଛନ୍ତି । ମ୍ୟୁଟେସନ ଓ ବେବନ୍ଦୋବସ୍ତ କାର୍ଯ୍ୟ ସମ୍ବନ୍ଧରେ ଜିଲ୍ଲାପାଳ ଶ୍ରୀ ସେଠୀ ତହସିଲଦାର ସୁଶ୍ରୀ ଅନୁପମା ମୁର୍ମୁଙ୍କୁ ପଚାରି ବୁଝିଥିଲେ ।