ଢେଙ୍କାନାଳ : ସରଖିଆ ନିକଟରେ ଥିବା ଓ.ଏସ୍.ଏ.ପି. ପ୍ରଥମ ବାଟାଲିଅନ୍ରେ ନୂତନ କମାଣ୍ଡାଂଟ୍ ଇନ୍ଚାର୍ଜ ଭାବରେ ସୁନିଲ୍ କୁମାର ବେହେରା (ଓ.ପି.ଏସ୍.-୧), ଏସ୍.ପି. ଢେଙ୍କାନାଳଙ୍କ ଠାରୁ ଦାୟିତ୍ୱ ଗ୍ରହଣ କରିଛନ୍ତି ।
ପ୍ରକାଶଥାଉକି, କମାଣ୍ଡେଣ୍ଟ ସୁଧିର କୁମାର ବେହେରା (ଓ.ପି.ଏସ୍. (ଏସ୍.) ଗତ ଏପ୍ରିଲ୍ ୩୦ରେ ଅବସର ଗ୍ରହଣ କରିଥିଲେ । ତାଙ୍କ ଅବସର ପରେ ଢେଙ୍କାନାଳ ଏସ୍.ପି.ଙ୍କୁ ସାମୟିକ ଭାବରେ କମାଣ୍ଡାଂଟ୍ ଦାୟିତ୍ୱ ନ୍ୟସ୍ତ କରାଯାଇଥିଲା । ସୁୁନିଲ୍ କୁମାର ବେହେରା ଜଣେ ଦକ୍ଷ ଅଫିସର୍ ହୋଇଥିବାର ଓଡିଶା ପୋଲିସ୍ରେ ତାଙ୍କର ବହୁତ ଖ୍ୟାତି ଅଛି ଓ ସେ ସେଥିପାଇଁ ମଧ୍ୟ ବହୁବାର ପୁରସ୍କୃତ ହୋଇଛନ୍ତି ।
ଏଥିପାଇଁ ଓଡିଶା ପୋଲିସ୍ ଷ୍ଟେଟ୍ ହେଡ୍ କ୍ୱାଟର୍ସର ଅର୍ଡର ନଂ-୧୨୭୪/ଓ.ପି., ତା.୦୬.୦୬.୨୦୨୨ରିଖ ଅନୁସାରେ ସେ ତା.୦୮.୦୬.୨୦୨୨ରିଖରେ ପ୍ରଥମ ବାଟାଲିଅନ୍ କମାଣ୍ଡାଣ୍ଟ ଇନ୍ଚାର୍ଜ ଭାବରେ ଦାୟିତ୍ୱ ଭାର ଗ୍ରହଣ କରିଛନ୍ତି । ପ୍ରକାଶଥାଉକି, ଶ୍ରୀ ବେହେରା ଏହା ପୂର୍ବରୁ ସର୍ଜେଂଟ୍ ଭାବରେ ନିଜର ଚାକିରୀ ଜୀବନ ଆରମ୍ଭ କରିଥିଲେ । ସର୍ଜେଂଟ୍ରୁ ଆର୍.ଆଇ. ତା’ ପରେ ଆସିଷ୍ଟାଣ୍ଟ କମାଣ୍ଡେଣ୍ଟ , କଟକ ଜିଲ୍ଲା ଓ ଷଷ୍ଠ ବାଟାଲିଆନ୍ ରହି ଆସିଥିବାବେଳେ ପରେ ଓ.ଏସ୍.ଏ.ପି. ଅଷ୍ଟମ ବାଟାଲିଅନ୍, ଛତ୍ରପୁର ରେ ଡେପୁଟି କମାଣ୍ଡାଂଟ୍ ଭାବେ ସଫଳତାର ସହ ନିଜ ଚାକିରୀ ଜୀବନ ଅତିବାହିତ କରି ଏଠାରେ ଯୋଗଦାନ କରିଛନ୍ତି । ଏଥିପାଇଁ ପ୍ରଥମ ବାଟାଲିୟନ୍ର ସମସ୍ତ ଅଫିସର୍, ଫୋର୍ସ ଓ ସଂଘ କର୍ମକର୍ତା ଶ୍ରୀ ବେହେରାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।