ଢ଼େଙ୍କାନାଳ : କାମାକ୍ଷାନଗର ଥାନା କାନପୁରା ଗ୍ରାମ ରେ ଥିବା ମିଶ୍ରିଲାଲ କମ୍ପାନୀ ର କ୍ୱାଟର ମଧ୍ୟରୁ ଜଣେ ଯୁବକ ଙ୍କ ଝୁଲନ୍ତା ମୃତଦେହ ଠାବ ହୋଇଛି l
ମୃତକ ଯୁବକ ଜଣକ ଖୁଣ୍ଟୁଣୀ ଥାନା ମହାକାଳ ବସ୍ତ ଗ୍ରାମ ର ଅମିତ ପୁହାଣ ବୋଲି ଜଣାପଡିଛି l ସୂଚନା ଅନୁସାରେ ଅମିତ ମିଶ୍ରିଲାଲ କମ୍ପାନୀ ରେ ସୁପର ଭାଇଜର ଭାବେ କାମ କରୁଥିଲେ l ସକାଳୁ ସେ ଶ୍ରମିକ ମାନଙ୍କୁ କମ୍ପାନୀ କୁ ପଠାଇବା ପରେ ନିଜ କ୍ୱାଟର କୁ ଯାଇଥିଲେ l କିନ୍ତୁ କିଛି ସମୟ ପରେ ସେ ତାଙ୍କ କ୍ୱାଟର ଭିତରେ ଝୁଲନ୍ତା ଅବସ୍ଥାରେ ଥିବା କିଛି ଶ୍ରମିକ ଦେଖିବାକୁ ପାଇଥିଲେ l
ଏ ସମ୍ପର୍କ ରେ କମ୍ପାନୀ କତୃପକ୍ଷ ଜାଣିବା ପରେ ତୁରନ୍ତ ତାଙ୍କ ପରିବାର ଓ ପୋଲିସ କୁ ଖବର ଦେଇଥିଲେ l ପରିବାର ଲୋକ ଘଟଣା ସ୍ଥଳ ରେ ପହଞ୍ଚିବା ପରେ କାମାକ୍ଷାନଗର ଥାନାରେ ଅମିତ ଙ୍କୁ କେହି ଦୁର୍ବୁତ୍ତ ହତ୍ୟା କରିଥିବା ନେଇ ଅଭିଯୋଗ କରିଛନ୍ତି l ପରିବାର ଲୋକଙ୍କ ଅଭିଯୋଗ ଅନୁଯାୟୀ କାମାକ୍ଷାନଗର ପୋଲିସ ଘଟଣା ସ୍ଥଳ ରେ ପହଞ୍ଚି ଅଧିକ ତଦନ୍ତ ଜାରି ରଖିଛି