ଢେଙ୍କାନାଳ: ଭୁବନ ଏନ.ଏ.ସି. କାର୍ଯ୍ଯାଳୟ ପରିସରରେ ବୈଠକ ମାଧ୍ୟମ ରେ ଆଜି ପାଞ୍ଚଟି ବସ୍ତିର ବାସିନ୍ଦାମାନଙ୍କୁ ନେଇ ଜାଗା ସମ୍ପର୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମ ରେ ନଟାକଟା କଲୋନୀ, ମଝି ଗାଡିଆ, ସାହୁଘର ପାଟଣା, ବାସୁଦେଇପୁର, ପେଣ୍ଠ ସାହି ବସ୍ତିର ବାସିନ୍ଦା ଭାଗନେଇଥିଲେ । ପ୍ରଥମେ ନଗରପାଳ ପ୍ରଦୀପ ପ୍ରଜ୍ବଳନ କରିଥିଲେ । ପରେ ସମବେତ ଭାବେ ବନ୍ଦେ ଉତ୍କଳ ଜନନୀ ଗାନ କରିଥିଲେ । ପରେ ନଗରପାଳ ସମସ୍ତଙ୍କୁ ସମ୍ବୋଧନ କରିଥିଲେ । ଏହି କାର୍ଯ୍ୟକ୍ରମ ରେ ମାନ୍ୟବର ମୁଖ୍ୟମନ୍ତ୍ରୀଙ୍କ ବାର୍ତ୍ତା, ସରକାରଙ୍କ ବିଭିନ୍ନ ଯୋଜନା ଗୁଡ଼ିକ ର ସଫଳ ରୂପାୟନ ବିଷୟରେ ଭିଡିଓ ମାଧ୍ୟମ ରେ ଦର୍ଶାଯାଇଥିଲା । ଏଥିସହିତ ବସ୍ତିଗୁଡ଼ିକୁ ନୂତନକରି ବିଜୁ ଆଦର୍ଶ କଲୋନୀ ଭାବେ ଗଢି ତୋଳିବା ଓ ତାହାର ରକ୍ଷଣାବେକ୍ଷଣ ସମ୍ପର୍କିତ ଲୋକମାନଙ୍କୁ ଅବଗତ କରାଯାଇଥିଲା ।
ଏହି କାର୍ଯ୍ୟକ୍ରମ ରେ ଉପସ୍ଥିତ ରହିଥିଲେ ନଗରପାଳ ଶୁଭେନ୍ଦୁ କୁମାର ସାହୁ, ଉପ-ନଗରପାଳ ମାନୀନି ସାହୁ, କାର୍ଯ୍ଯ ନିର୍ବାହୀ ଅଧିକାରୀ ଶ୍ୟାମ ସୁନ୍ଦର ସାହୁ, ଗୋଷ୍ଠୀ ସଂଯୋଜିକା ଜଲିତା ସାହୁ , ଜାଗା ସଂଯୋଜକ ଜାନକୀକାନ୍ତ ମହାନ୍ତୀ , କାଉନସିଲର କବିତା ସେନାପତି, ମନମୋହନ ସାହୁ ସମେତ ପାଞ୍ଚଟି ବସ୍ତି ର ସଭାପତି, ସମ୍ପାଦକ ଓ ବସ୍ତିବାସିନ୍ଦାଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଶେଷରେ ଜାଗା ମିଶନ ଅନ୍ତର୍ଗତ ପାଇଥିବା ଗୁଣ୍ଠିକିଆ ପଟ୍ଟାରେ ବସ୍ତିର କିଛି ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଘର ବଣ୍ଟନ କରାଯାଇଥିଲା