ଢ଼େଙ୍କାନାଳ : ରାଜ୍ୟ ସାଧାରଣ ସଂପାଦିକା ନମିତା ନାୟକ ବିଜୁ ମହିଳା ଜନତା ଦଳ ଙ୍କ ନେତୃତ୍ବରେ ଓ ଓଡ଼ିଶା ମୋ ପରିବାର ଆନୁକୂଲ୍ୟରେ ହିନ୍ଦୋଳ ଉପଖଣ୍ଡ ରାସୋଳ ଅନ୍ତର୍ଗତ ସଭାଗୃହ ଠାରେ ରବିବାର ଦିନ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ମୋଟ୍ ୮୦ ୟୁନିଟ୍ ରକ୍ତ ସଂଗୃହୀତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ସାଂସଦ ମହେଶ ସାହୁ ଙ୍କ ସମେତ ସାଗରିକା ମିଶ୍ର ଢ଼େଙ୍କାନାଳ ଜିଲ୍ଲା ସଭାନେତ୍ରୀ , ପୂର୍ବତନ ବ୍ଳକ୍ ଅଧ୍ୟକ୍ଷ ପ୍ରିୟରଂଜନ ମାହୁନ୍ତ, ବିଭିନ୍ନ ପଞ୍ଚାୟତ ର ପୂର୍ବତନ ଓ ନୂତନ ସରପଞ୍ଚ ଙ୍କ ସହ ବିଜେଡ଼ି ର ଅନେକ କର୍ମୀ ଉକ୍ତ ଶିବିରରେ ଯୋଗଦାନ ଦେଇଥିବା ବେଳେ କିନ୍ତୁ ଘର ପାଖରେ ରକ୍ତଦାନ ଶିବିରଟି ଅନୁଷ୍ଠିତ ହୋଇଥିଲେ ମଧ୍ୟ ବିଧାୟିକା ସୀମାରାଣୀ ନାୟକ ଓ ବ୍ଳକ୍ ଅଧ୍ୟକ୍ଷା ସସ୍ମିତାରାଣୀ ନାୟକ ଓ ଉପାଧ୍ୟକ୍ଷ ବରୁଣ କୁମାର ସର ଯୋଗନଦେବାକୁ ନେଇ ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ହିନ୍ଦୋଳ ବିଜେଡ଼ି ରେ ତୀବ୍ର ଗୋଷ୍ଠୀ କନ୍ଦଳ ଥିବା ପୂର୍ବରୁ ଶୁଣିଥିଲୁ କିନ୍ତୁ ଏବେ ଏହା ଦେଖିବାକୁ ମିଳିଲା ବୋଲି ସାଧାରଣରେ ଆଲୋଚନା ହେଉଛି। ରମେଶ ଚନ୍ଦ୍ର ସାହୁ,ଧବଳ ପ୍ରସାଦ ସାହୁ, ତାହିର୍ ଖାନ୍, ସୁମନ୍ତ ବେହେରା, ହିମାଂଶୁ ଭୂଷଣ ଖୁଣ୍ଟିଆ, ବିଜୟ ସାହୁ, ନରେଶ୍ ସାହୁ ଓ ସିପୁନ୍ ସାହୁ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।
