ଢ଼େଙ୍କାନାଳ: ଭୁବନ ବ୍ଲକ ଅନ୍ତର୍ଗତ ଧଳପଡା ପଞ୍ଚାୟତ ଅନଳ ଗ୍ରାମରେ ଜଣେ ଚାଷୀ ଙ୍କ ର ବଜ୍ରପାତ ରେ ମୃତ୍ୟୁ ହୋଇଥିବା ଜଣପଡିଛି।ପ୍ରାପ୍ତ ଖବର ରୁ ପ୍ରକାଶ ଯେ,ଅନଳ ଗ୍ରାମ ର ସାରଙ୍ଗଧର ବେହେରା (୫୫ )ତାଙ୍କ ବିଲ ରେ ଚାଷ କାର୍ଯ୍ୟ ସାରି ଘରକୁ ଫେରୁଥିବା ବେଳେ ଅପରାହ୍ନ ରେ ଅଚାନକ ପ୍ରବଳ ବର୍ଷା ହୋଇଥିଲା । ଅନଳ – ମଝିପାଳ ଅନ୍ଧାର ବାଉତି ତୋଟାରେ ଆଶ୍ରୟ ନେଇଥିବା ବେଳେ ବଜ୍ରପାତ ରେ ସେ ଅଚେତ ହୋଇ ପଡ଼ିଥିଲେ । ଏ ସମ୍ପର୍କରେ ଖବର ପାଇ ଗ୍ରାମବାସୀ ଓ ପରିବାର ବର୍ଗ ତାଙ୍କୁ ଉଦ୍ଧାର କରି ଢେ଼ଙ୍କାନାଳ ମୁଖ୍ୟ ଚିକିତ୍ସାଳୟ କୁ ନେଇଥିଲେ । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗରିବ ଚାଷୀ ପରିବାର କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।
